Batumelebi | ისეთ მდგომარეობაში ვართ, ჯარიმების გარეშეც უნდა ვატაროთ პირბადე – მეზვრიშვილი ისეთ მდგომარეობაში ვართ, ჯარიმების გარეშეც უნდა ვატაროთ პირბადე – მეზვრიშვილი – Batumelebi
RU | GE  

ისეთ მდგომარეობაში ვართ, ჯარიმების გარეშეც უნდა ვატაროთ პირბადე – მეზვრიშვილი

„ისეთ მდგომარებაში ვიმყოფებით, რომ ჯარიმებისა და მკაცრი მიდგომების გარეშეც უნდა ვატარებდეთ პირბადეს და ვიცავდეთ დისტანციას“, – განაცხადა დღეს, 22 სექტემბერს, ნათია მეზვრიშვილმა, საქართველოს მთავრობის ადმინისტრაციის უფროსმა, საკოორდინაციო საბჭოს სხდომის შემდეგ.

მისი თქმით, კორონავირუსის მასშტაბების ზრდა დამოკიდებულია იმაზე, როგორ დაიცავენ მოქალაქეები უსაფრთხოების წესებს.

„მიუხედავად იმისა, რომ დღეს კორონავირუსის 218 შემთხვევა დადასტურდა და გარდაიცვალა 2 ადამიანი, სიტუაცია ჯერ კიდევ ექვემდებარება კონტროლს და პანიკის საფუძველი არ არსებობს.

საგანგებო მდგომარეობა ვეღარ გამოცხადდება და ვეღარ ჩაიკეტება ეკონომიკა, რადგან ეს ყველაფერი დააზარალებს ჩვენს მოქალაქეებს. ამიტომ, თითოეულმა ადამიანმა უნდა გამოიჩინოს მაღალი პასუხისმგებლობა და პირბადე ვატაროთ არამარტო შენობის შიგნით, არამედ შენობის გარეთაც, როცა ადამიანებს მჭიდრო კომუნიკაცია გვაქვს“, – აცხადებს ნათია მეზვრიშვილი.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com