მთავარი,სიახლეები

ბათუმში ექიმს სცემა კაცმა, რომელიც კოვიდპაციენტთან არ შეუშვეს

21.09.2020 • 2305
ბათუმში ექიმს სცემა კაცმა, რომელიც კოვიდპაციენტთან არ შეუშვეს

ბათუმის რესპუბლიკური საავადმყოფოს ექიმი სავარაუდოდ ფიზიკური ძალადობის მსხვერპლი გახდა. მიზეზი კოვიდინფიცირებულის მონახულებაა, რომლის საშუალებაც ექიმმა კლინიკაში მისულ კაცს არ მისცა.

„…ეს ამბავი შუაღამით მომხდარა, მე ახლა გავიგე. ეს კაცი იყო ნასვამი და მორიგე ექიმს სთხოვდა კოვიდინფიცირებულის მონახულებას… ჩემი ინფორმაციით, ექიმს სახეში დაარტყეს რამდენჯერმე, ექიმი ჩვეულებრივად განაგრძობს მუშაობას,“ – უთხრა „ბათუმელებს“ გია კიკაბიძემ, „ბათუმის რესპუბლიკური საავადმყოფოს“ კლინიკურმა მენეჯერმა.

„ბათუმელებთან“ კომენტარი არ ისურვა ექიმმა ჯუმბერ ბოლქვაძემ. მან დაგვიდასტურა მხოლოდ ის, რომ ფიზიკურად შეურაცხყვეს და „განსაკუთრებული არაფერი მომხდარა“.

შინაგან საქმეთა სამინისტროს ინფორმაციით, გამოძიება სსკ-ის 126-ე მუხლის შესაბამისად დაიწყო. დაკავებულია ერთი პირი.

გადაბეჭდვის წესი


ასევე: