დღეს, 19 სექტემბერს, გრანპრის მფლობელი საჯარო სკოლები და დირექტორები გამოავლინეს, რომელთაც სპეციალური პრიზები გადასცეს. გრანპრის მფლობელი ლენა გომართელი გახდა. ის საჩხერის მე-2 საჯარო სკოლის დირექტორია.
გრანპრის მფლობელ დირექტორს პრიზის სახით 5000 ლარი გადაეცა, ხოლო მის სკოლას, სპეციალური პროექტის განსახორციელებლად – 30 000 ლარი.
სპეციალური პრიზის მფლობელი დირექტორები არიან ასევე: საჩხერის, კორბოულის მე-2 საჯარო სკოლის დირექტორი, გელა მაჭარაშვილი და ვარდენ ნიქაბაძე, რომელიც წყალტუბოს ფარცხანაყანევის მე-2 საჯარო სკოლის დირექტორია.
ფოტოს მარჯვნივ: ვარდენ ნიქაბაძე დაჯილდოების დროს.
მათ პრიზის სახით გადაეცემათ 2500 -2500 ლარი. მათი სკოლების მხარდაჭერის ერთიანი ფონდი კი 25 000 ლარია. ვარდენ ნიქაბაძის სკოლას ილიაუნმა 10 სასწავლო დრონი აჩუქა.
გელა მაჭარაშვილი დაჯილდოების დროს.
პროექტის ორგანიზატორები არიან „განათლების კოალიცია“ და ილიას სახელმწიფო უნივერსიტეტი. პროექტს აფინანსებს „გუდავაძე-პატარკაციშვილის ფონდი“.
სკოლის ლიდერობის კონკურსის გამარჯვებულები
