Batumelebi | ქობულეთში, სოფელ ჭახათში, სასაფლაოები გაძარცვეს ქობულეთში, სოფელ ჭახათში, სასაფლაოები გაძარცვეს – Batumelebi
RU | GE  

ქობულეთში, სოფელ ჭახათში, სასაფლაოები გაძარცვეს

ქობულეთის მუნიციპალიტეტის სოფელ ჭახათში სასაფლაოები გაძარცვეს. როგორც ადგილობრივი მცხოვრები გია გეგიძე გვეუბნება, სასაფლაოები ალუმინის მოაჯირებით იყო შემოსაზღვრული.

„სოფელში აქამდე მსგავსი არაფერი მომხდარა, პირველი შემთხვევაა, რომ სასაფლაოები გაძარცვეს. უჭირს ხალხს და ალბათ ამას უკავშირდება“, – ამბობს გეგიძე.

გია გეგიძის თქმით, სასაფლაოებიდან მოაჯირები მოიპარეს – „სავარაუდოდ, ჯართში ჩასაბარებლად“.

დაიწყო თუ არა გამოძიება, ჯერჯერობით არ ვიცით. შს სამინისტროს განმარტებას, მიღების შემთხვევაში, აქვე შემოგთავაზებთ.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com