Batumelebi | იზოლაციაში გადაღებული ფილმების კონკურსი – გამარჯვებული „ლაიქებით“ გამოვლინდება იზოლაციაში გადაღებული ფილმების კონკურსი – გამარჯვებული „ლაიქებით“ გამოვლინდება – Batumelebi
RU | GE  

იზოლაციაში გადაღებული ფილმების კონკურსი – გამარჯვებული „ლაიქებით“ გამოვლინდება

საავტორო კინოს ბათუმის საერთაშორისო ფესტივალზე წელს წარმოდგენილია სპეციალური საკონკურსო სექცია – COVIDEO, რომელშიც ნაჩვენები იქნება 25 მოკლემეტრაჟიანი ფილმი, გადაღებული COVID19-ს პანდემიისას, იზოლაციის პერიოდში.

ფილმებს ჟიური შეაფასებს, თუმცა ასევე გაიცემა აუდიტორიის პრიზიც. ფილმების შეფასება ფეისბუქზეა შესაძლებელი. აღნიშნულ ბმულზე შეგიძლიათ ნახოთ ფილმები და მოწონების ნიშანი, „ლაიქი“ დაუსვათ თქვენთვის საინტერესო ფილმს.

ამ სექციაში გამარჯვებული გამოვლინდება LIKE- ების რაოდენობით თითოეულ ვიდეოზე.

ვიდეოს, რომელიც მოიპოვებს LIKE- ების ყველაზე მეტ რაოდენობას, გადაეცემა BIAFF COVIDEO აუდიტორიის პრიზი. ხმის მიცემა, LIKE-ის დასმა შესაძლებელია 20 სექტემბრამდე (19 სექტემბრის 23.59 საათამდე).

BIAFF COVIDEO – მოკლემეტრაჟიანი ფილმების სექციის პროგრამა  

  1. 1412, ანა ჯაფარიძე, საქართველო, 2020, 4.55 წთ.
  2. „20XX“, გიორგი ქასრაშვილი საქართველო, 2020; 3 წთ.
  3. „კოვიდი“, ლენა ჭაღალიძე, საქართველო, 2020; 2 წთ.
  4. Es Regnet, ანა სარუხანოვა, საქართველო, 2020; 3,30წთ.
  5. „მამა“, გიორგი გოგიჩაიშვილი, საქართველო, 2020; 2.40 წთ.
  6. „სახლში მარტო“, ვალერი ფიფია, საქართველო, 2020;  25წთ.
  7. „კოცნა“, სოფიო ჩხეიძე, საქართველო, 2020; 1.35წთ.
  8. „მცირე რექვიემი ბებიასთვის“, თამარა ბენაშვილი, საქართველო, 2020; 4.40წთ.
  9. „სარკე“, გიორგი ქებურია, საქართველო, 2020; 5წთ.
  10. „ ჩემი ცხოვრების გზა სიზმარია“, ზურაბ ქავთარაძე, საქართველო; 2020; 2.30წთ.
  11. „ჩემი ფილმი“, ირაკლი კიკვაძე, საქართველო, 2020;10 წთ.
  12. „ონლაინ გაკვეთილები“, მარიშკა დიასამიძე, საქართველო, 2020; 2.20 წთ.
  13. „თვითიზოლაცია“ გივიკო ბარათაშვილი, საქართველო, 2020; 3.15 წთ.
  14. „დარჩი შინ“, დანილა ილიოშენკო, საქართველო, 2020; 3წთ.
  15. „როცა მარკერი მთავრდება“, მერცი რთველაძე, საქართველო, 2020; 4.25წთ.
  16. მოჩვენება“, ნაგარაჯუ, ინდოეთი, 2020; 2.20წთ.
  17. „დურგას კარანტინი“, მითეშ თეიქი, ინდოეთი, 2020; 50 წთ.
  18. „სახლი“, ანე როდრიგესი, მექსიკა, 2020; 2 წთ.
  19. კლაუდი, აურელია მენგინ რეუნიონი, 2020; 3.20 წთ.
  20. „ჩემი დაბადების დღე“, შაიან ნაგიბი, ირანი, 2020; 4.35წთ.
  21. „ბუნება ბრუნდება“, ქრისტოფ კუნგი, საფრანგეთი/საქართველო, 2020; 2.20 წთ.
  22. „სოციალური დისტანცია“, ხორშიდ ალამი, ირანი, 2020; 1.30 წთ.
  23. „ბოლო პერფორმანსი“, დევიდ ფილიპსი, კანადა, 2020; 3წთ.
  24. „ მოსაწვევი“, მელთემ ქემილოღლუ, თურქეთი, 2020; 2.20 წთ.
  25. „ღვინო დედასთვის – კარანტინი 2020“,  ვალერის ოლეჰნო, ლატვია, 2020; 2წთ.

საავტორო კინოს ბათუმის საერთაშორისო ფესტივალი წელს სექტემბერში უნდა გამართულიყო, თუმცა აჭარაში კორონავირუსის ეპიდაფეთქების გამო ფესტივალი გადაიდო და სავარაუდოდ ოქტომბერში ჩატარდება.

უცვლელი რჩება კინოფესტივალის პროგრამა. 

ბათუმში კინოფესტივალი, ტრადიციულად, სექტემბერში იმართება. კინოფესტივალის თარიღი მხოლოდ ერთხელ შეიცვალა, 2008 წელს, რუსეთ-საქართველოს ომის გამო, როცა ფესტივალი სექტემბრის ნაცვლად ოქტომბერში გაიმართა.

______________

ფოტო „ბათუმელების“ არქივიდან

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com