Batumelebi | სწავლა 15 სექტემბერს დისტანციურად დაიწყება – გახარია სწავლა 15 სექტემბერს დისტანციურად დაიწყება – გახარია – Batumelebi
RU | GE  

სწავლა 15 სექტემბერს დისტანციურად დაიწყება – გახარია

საქართველოს პრემიერ-მინისტრმა გიორგი გახარიამ დღეს განაცხადა, რომ საქართველოს დიდ ქალაქებში სასწავლო პროცესი გადაიდება პირველ ოქტომბრამდე. დღესვე, მან განმარტა, რომ ეს ეხება სასწავლო პროცესს შენობაში, ხოლო დისტანციური სწავლების პროცესი დაიწყება 15 სექტემბერს.

„სწავლება იწყება 15 სექტემბრიდან დისტანციურად, ჩვენ ისედაც მზად გვქონდა სწავლების ჰიბრიდული ფორმა, რომელიც ყველა ვარიანტში უნდა დაწყებულიყო 15 სექტემბრიდან ყველგან, ამ მოდელის არსი მდგომარეობს იმაში, რომ მოგეხსენებათ კლასებში, სხვადასხვა ქალაქში სხვადასხვა რაოდენობის ბავშვები არიან და ამის გამო იყო გადანაწილებული, ნაწილი – დისტანციურად, ნაწილი – კლასებში. სწავლა დაიწყება დისტანციურად ყველგან, მაგრამ სასწავლო კლასებში სწავლა დაიწყება პირველი ოქტომბრიდან, ისე, როგორც იყო ბათუმში.

ასევე, ეს ეხება ყველა წრეს, რომელიც არ არის ღია ცის ქვეშ. ბავშვები, მოგეხსენებათ, რომ სხვადასხვა წრეებზე დადიან. ღია სივრცეში წრეებზეც ეპიდემიოლოგები განმარტებას გააკეთებენ უახლოეს პერიოდში,“ – განაცხადა გიორგი გახარიამ.

საქართველოს დიდ ქალაქებში სწავლა პირველ ოქტომბრამდე გადაიდო. ეს ქალაქებია: თბილისი, ქუთაისი, რუსთავი, ზუგდიდი, გორი და ფოთი. სასწავლო პროცესი პირველ ოქტომბრამდე უკვე გადადებული იყო ბათუმსა და ქობულეთში.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com