მთავარი,სიახლეები

„ხოფის ბაზრობა“ არ გაიხსნება, ბათუმის იუსტიციის სახლი კი იწყებს მუშაობას

09.09.2020 • 3236
„ხოფის ბაზრობა“ არ გაიხსნება, ბათუმის იუსტიციის სახლი კი იწყებს მუშაობას

დღეს, 9 სექტემბერს, აჭარის საზოგადოებრივი ჯანდაცვის ცენტრის დირექტორმა, რუსუდან შავიშვილმა განაცხადა, რომ „ხოფის ბაზრობა“ არ გაიხსნება, სანამ კორონავირუსზე ტესტირების პროცესი არ დასრულდება.

შავიშვილის თქმით, ე.წ „ხოფის ბაზრობაზე“ კორონავირუსი ჯამში 7 პირს დაუდასტურდა. კორონავირისზე ტესტირება ისევ გრძელდება. ამ ბაზრობაზე 4 ათასამდე ადამიანია დასაქმებული.

რუსუდან შავიშვილის ინფორმაციით, კარავი გაიხსნება ხოფის ბაზრობასთანაც, სადაც მოქალაქეები უფასოდ შეძლებენ ტესტირებას.

რაც შეეხება იუსტიციის სახლს ბათუმში, შავიშვილის თქმით, იუსტიციის სახლი, რომელიც კორონავირუსის შემთხვევის გამოვლენის გამო გუშინ დაიკეტა, გაიხსნება და მუშაობას ჩვეულ რეჟიმში გააგრძელებს.

„იუსტიციის სახლიდან ყველა ტესტირების პასუხი უარყოფითია, ამიტომ იუსტიცია გაიხსნება, „ხოფის ბაზრობის“ ტესტირებებს ველოდებით და არ გაიხსნება, სანამ ტესტირებები არ დასრულდება. ყველა, ვინც ჩაიტარა ტესტირება, დაელოდოს სამ დღეს, სანამ არ იქნება ცნობილი მათი ტესტის პასუხები“, – ამბობს შავიშვილი.

ოფიციალური ინფორმაციით, დღეს ბათუმში კორონავირუსის 25 ახალი შემთხვევა გამოვლინდა, ქვეყნის მასშტაბით კი – 44.

გადაბეჭდვის წესი


ასევე: