პრემიერ-მინისტრის, გიორგი გახარიას განცხადებით, მთელი ქვეყნის მასშტაბით დახურულ სივრცეში სხვადასხვა სოციალური ღონისძიების ჩატარებაზე კონტროლი მკაცრდება. როგორც დღეს, 7 სექტემბერს, საკოორდინაციო საბჭოს სხდომის დასრულების შემდეგ პრემიერმა თქვა, მსგავსი სოციალური ღონისძიების დროს ინფიცირების გავრცელების რამდენიმე შემთხვევაც გამოვლინდა.
“აუცილებელია სოციალური და სარიტუალო ღონისძიებების კონტროლის კიდევ უფრო გამკაცრება. განსაკუთრებით დახურულ სივრცეში. ამის აშკარა მაგალითი იყო აჭარაში, სადაც ბოლო თვეების განმავლობაში ძალიან დიდი ქორწილები ჩატარდა. იქ იყო რამდენიმე შემთხვევა, როცა მსგავსი სოციალური ღონისძიებები გახდა [ვირუსის] გადაცემის წყარო. ამიტომ დახურულ სივრცეში სოციალური ღონისძიებების ჩატარების კონტროლი უკიდურესად გამკაცრდება,”-ამბობს გახარია.
პრემიერი ასევე განმარტავს, რომ სოციალურ ღონისძიებებზე კონტროლის გამკაცრება ღია სივრცეებს არ ეხება, თუმცა მთავრობას ამ მიმართულებით დამატებითი მოთხოვნები ექნება.
ამას გარდა, საკოორდინაციო საბჭომ დღევანდელ სხდომაზე შემდეგი გადაწყვეტილებები მიიღო:
- 15 სექტემბრიდან ყველა უცხოელმა, მათ შორის, ვისაც ნაცვალგების პრინციპზე დაყრდობით აქამდე არანაირი ვალდებულება არ ჰქონდა, საქართველში შემოსვლისას თან უნდა იქონიონ 72-საათიანი პისიარტესტი.
- ბათუმსა და ქობულეთში სკოლებსა და უმაღლეს სასწავლებლებში სასწავლო პროცესი 1 -ელ ოქტომბრამდე დისტანციურად წარიმართება.
- 12 დღის ნაცვლად კარანტინის პერიოდი 8 დღემდე შემცირდა.
