მთავარი,სიახლეები

უკრაინაში ქორწილების ბუმია – ქვეყნის იუსტიციის სამინისტრო

06.11.2022 • 1069
უკრაინაში ქორწილების ბუმია – ქვეყნის იუსტიციის სამინისტრო

იუსტიციის სამინისტროს ინფორმაციით, უკრაინაში რუსეთის ფედერაციის სრულმასშტაბიანი შეჭრის შემდეგ, დაახლოებით 2500 დისტანციური ქორწინება დარეგისტრირდა.

რაც შეეხება ქორწინების ზოგად სტატისტიკურ მონაცემებს – უკრაინაში 2022 წლის პირველ 9 თვეში 177 ათასი ქორწინება დარეგისტრირდა. 2021 წლის ანალოგიურ პერიოდში მხოლოდ 166 ათასი იყო.

„ქორწილების ბუმი უკრაინაში – სიყვარული აერთიანებს უკრაინელებს, მიუხედავად სრულმასშტაბიანი ომისა“, – წერს უკრაინის იუსტიციის სამინისტრო Facebook-ზე.

როგორც იუსტიციის მინისტრის მოადგილე, ვალერია კოლომიეც აღნიშნავს, დისტანციური ქორწინების ინიციატივა „ეკუთვნით სამხედროებს – ეს მათთვის არის დამატებითი სტიმული, რომელიც მათ სახლებში დაბრუნებას შთააგონებს“.

„ომის პირობებში ოჯახების შექმნით უკრაინელები მსოფლიოს უმტკიცებენ, რომ ჩვენ ვართ ერი, რომელსაც ნამდვილი სიყვარული შეუძლია და იცავს მნიშვნელოვან ცხოვრებისეული ღირებულებებს“, – თვლიან იუსტიციის სამინისტროში.

გადაბეჭდვის წესი


ასევე: