გასული 24 საათის განმავლობაში კორონავირუსი აჭარაში დაუდასტურდა კიდევ 3 პირს. აქედან 2 ქობულეთის კაფე „ჰავანას“ კლასტერიდანაა, მესამე კი, ქალი, იმყოფებოდა კარანტინში, რომელიც საქართველოში საბერძნეთიდან დაბრუნდა.
აჭარის ჯანდაცვის სამინისტროს ინფორმაციით, სამივე მათგანი გადაყვანილია რესპუბლიკური საავადმყოფოს კოვიდცენტრში. აღნიშნულ დაწესებულებაში 17 აგვისტოს დილის მდგომარეობით, მკურნალობას სულ 26 ინფიცირებული პაციენტი გადის.
დაავადებათა კონტროლის ეროვნული ცენტრის მონაცემებით კი, ბოლო 24 საათში საქართველოში კორონავირუსის 5 ახალი შემთხვევა გამოვლინდა [აქედან 3 აჭარაში]; სულ გამოჯანმრთელდა – 4. შესაბამისად, ჯამში, ინფიცირებულთა რაოდენობა 1341-ს შეადგენს, მათგან გამოჯანმრთელებულია სულ 1092 პაციენტი; გარდაცვლილია – 17.
სტაციონარული მკურნალობის ქვეშ რჩება 232 პირი, კარანტინში კი 7 082 ადამიანი იმყოფება.
ამ თემაზე:
ქობულეთში ორ პირს კორონავირუსი დაუდასტურდა – კაფე „ჰავანას“ კლასტერი
