დღეს, 16 აგვისტოს, ორი ახალგაზრდა ბათუმში ბელორუსში მიმდინარე მოვლენების დროს დაზარალებულთა მხარდამჭერი ინიციატივით გამოვიდა – მათ ბელორუსში დაზარალებულთა დასახმარებლად შემოწირულობის შეგროვება დაიწყეს.
„აქ შევიკრიბეთ იმისთვის, რომ მხარი დავუჭიროთ ბელორუს ახალგაზრდებს. მათ, ისევე როგორც ჩვენ, სჭირდებათ და ითხოვენ თავისუფლებას და განვითარებას… ამ აქციით გვინდა ერთგვარი სოლიდარობა გამოვუცხადოთ“, – გვითხრა ბათუმელმა კახა აფხაზავამ.
მხარდამჭერთა ჯგუფის ერთ-ერთი ინიციატორია ბელარუსი სერგეი სემილეტიც, რომელიც ბელორუსში მუსიკას ასწავლიდა. სერგეი ამბობს, რომ მის ქვეყანაში ახალგაზრდებს ღირსეული სამუშაოს პოვნის არავითარი შანსი არ ჰქონდათ, ამიტომაც გადაწყვიტა ქვეყნის დატოვება. ახლა ის ბათუმიდან ცდილობს მცირედი მხარდაჭერა აღმოუჩინოს იმ ადამიანებს სამშობლოში, რომლებმაც ბელორუსში მიმდინარე საპროტესტო აქციებზე დაზიანდნენ. სერგეის თქმით, ისინი აგროვებენ შემოწირულობებს დაზარალებულთა დასახმარებლად.
სერგეის და კახას შემოწირულობის ყუთის დასადგმელი ადგილი როკ-ბარმა – „10/01“ გამოუყო, რომელიც ბათუმში, მაზნიაშვილისა და გორგასლის ქუჩების გზაჯვარედინზე მდებარეობს.
როკ-ბარი – „10/01“ ბათუმში. შემოწირულობის ყუთი
მთავარი ფოტო: სერგეი და კახა. ფოტოზე წარწერა – გაუმარჯოს ბელარუსს
[red_box][/red_box]
ბელორუსი ერის მხარდასაჭერად აქცია ბათუმში 13 აგვისტოსაც გაიმართა. აქციის მონაწილეები ძირითადად ბელორუსები იყვნენ. პროტესტს უკრაინის, რუსეთისა და საქართველოს მოქალაქეებიც შეუერთდნენ:
