6 აგვისტოს მონაცემებით, ბოლო 24 საათში საქართველოში კორონავირუსის 9 ახალი შემთხვევა დადასტურდა.
თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, 9 ახალი შემთხვევიდან 7 შემთხვევა იმპორტირებულია, ინფიცირებულები არიან სატვირთო მანქანების მძღოლები, 2 პაციენტის ინფიცირების წყარო კი ჯერ უცნობია და მიმდინარეობს ეპიდემიოლოგიური კვლევა.
მარინა ეზუგბაიას განცხადებით, დღეის მონაცემებით საქართველოს კოვიდცენტრებში 240 პაციენტს მკურნალობენ კორონავირუსის დადასტურებული დიაგნოზით.
საქართველოში კორონავირუსის სულ 1206 შემთხვევაა დადასტურდა, რომელთაგან 987 პაციენტი გამოჯანმრთელდა, 17 კი გარდაიცვალა.
