თურქეთში გასულ 24 საათში 902 ახალი შემთხვევა დაფიქსირდა. ამ დროისთვის კორონავირუსით ინფიცირებულთა რაოდენობა თურქეთში 222 402-მდეა გაზრდილი. დაავადების გავრცელების რაოდენობით თურქეთი მსოფლიოში მე-15 ადგილზეა.
თურქული მედიასაშუალების „ანადოლუს“ ინფორმაციით, თურქეთში covid19-ით ამ დრომდე 5 545 ადამიანი დაიღუპა, ბოლო 24 საათის განმავლობაში – 19.
პანდემიის გამო თურქეთთან საზღვარი საქართველომ 15 მარტს ჩაკეტა. ჯანდაცვის მსოფლიო ორგანიზაციამ ახალი კორონავირუსის გავრცელება პანდემიად 11 მარტს გამოაცხადა. ამ დროისთვის უცნობია, როდის შეიძლება გახსნას საქართველომ თურქეთთან საზღვარი.
დღეს, 23 ივლისს, საქართველოში covid19-ით ინფიცირების 12 ახალი შემთხვევა დაფიქსირდა, მათ შორის, სამის წყარო უცნობია.
საქართველოში კორონავირუსით ინფიცირების მაჩვენებელი 23 ივლისის მდგომარეობით 1085-მდეა გაზრდილი, მათ შორის, გამოჯანმრთელდა 911, გარდაიცვალა – 16.
ამ თემაზე:
რუსეთიდან 43 278 მოქალაქე შემოვიდა პანდემიის დროს – სტატისტიკა
