აჭარის ჯანდაცვის სამინისტროს ინფორმაციით, დღეს, 22 ივლისს, აჭარაში კორონავირუსით ინფიცირების ერთი ახალი შემთხვევა გამოვლინდა.
ვირუსი დაუდასტურდა საქართველოს მოქალაქეს, რომელიც თურქეთიდან შემოვიდა და კარანტინში იმყოფებოდა.
შესაბამისად, ბათუმის რესპუბლიკურ საავადმყოფოში COVID 19-ის ინფექციით 10 პაციენტია მოთავსებული.
საერთო ჯამში საქართველოში კორონავირუსით ინფიცირებულთა მაჩვენებელი დღეს 24-ით გაიზარდა. 11 საათის მონაცემებით, სულ 1073- ინფიცირებული დაფიქსირდა, რომელთაგან გამოჯანმრთელდა 907, გარდაიცვალა 16 პაციენტი.
ბოლო რამდენიმე დღეა საქართველოში კორონავირუსის ახალი შემთხვევების მატება ფიქსირდება, ძირითადად, გარდაბნის რაიონში. გუშინ, 21 ივლისს, NCDC-ის დირექტორმა, ამირან გამყრელიძემ თქვა, რომ ბოლო კვირის განმავლობაში გამოვლენილი 63 ახალი შემთხვევიდან 24 გარდაბნის მუნიციპალიტეტის სოფლებში დაფიქსირდა.
https://netgazeti.ge/news/469245/?fbclid=IwAR3XlLeWaNm0gfDl7AUIx_nLf8gMCqMTC4256_URLHLnAHHjvKEarjbln4w
