Batumelebi | ბათუმის ვიცე-მერი ჯაბა ტუღუშიც გადააყენეს ბათუმის ვიცე-მერი ჯაბა ტუღუშიც გადააყენეს – Batumelebi

ბათუმის ვიცე-მერი ჯაბა ტუღუშიც გადააყენეს

ბათუმის მერიაში თანამდებობა ვიცე-მერმა ჯაბა ტუღუშმაც დატოვა. დღეს, 16 ივლისს, ბათუმის არჩეული მერი ლაშა კომახიძე გადადგა. „ბათუმელების“ ინფორმაციით, მას თანამდებობის დატოვება აიძულეს. ლაშა კომახიძე ამ კვირის ორშაბათს მოულოდნელად შვებულებაში გავიდა და ამ დრომდე საზოგადოებისთვის არაფერი უთქვამს.

ჯაბა ტუღუში ვიცე-მერად ლაშა კომახიძემ გასული წლის ოქტომბერში დანიშნა. შესაბამისად, მან ამ თანამდებობაზე თითქმის 9 თვე იმუშავა.

მედიასთან კომენტარი არც ვიცე-მერს გაუკეთებია. ჟურნალისტების სატელეფონო ზარებს ჯერჯერობით არც არჩილ ჩიქოვანი პასუხობს, რომელიც ჩვენი ინფორმაციით, ვიცე-მერად უკვე დანიშნეს და არჩევნებამდე მერის მოვალეობას შეასრულებს. არჩილ ჩიქოვანი ამ დრომდე აჭარის მთავრობის აპარატის უფროსი იყო.

_____

ბათუმის მერი ლაშა კომახიძე გადადგა

ნეტგაზეთის მასალების სხვა გამოცემებში გადაბეჭდვის წესი
ავტორი