განათლება,მთავარი,სიახლეები

მაღალი ტემპერატურის გამო გამოცდებიდან მოხსნილი აბიტურიენტები ისევ დაუშვეს

09.07.2020 • 2547
მაღალი ტემპერატურის გამო გამოცდებიდან მოხსნილი აბიტურიენტები ისევ დაუშვეს

6 ივლისს ერთიანი ეროვნული გამოცდებიდან მოხსნილი 2 აბიტურიენტი, ისევ შეძლებს გამოცდების ჩაბარებას. გამოცდაზე გამოცხადებისას მათ 37 გრადუსზე მაღალი ტემპერატურა დაუფიქსირდათ, რის გამოც, გამოცდებიდან მოხსნეს.

იმ დღეს გამოცდების ცენტრის ხელმძღვანელმა სოფიო გორგოძემ განაცხადა, რომ აბიტურიენტები გამოცდაზე არ დაუშვეს ექიმის გადაწყვეტილებით და მათ „მიეცათ რეკომენდაცია, რომ გაიკეთონ PCR ტესტი.“

ცენტრის ინფორმაციით, PCR ტესტით აბიტურიენტებს კორონავირუსი არ დაუდასტურდათ.

განათლების მინისტრის 8 ივლისს გამოცემული ბრძანებით, ცვლილება შევიდა ერთიანი გამოცდების ჩატარების დებულებაში, რის შედეგადაც აღნიშნულ აბიტურიენტებს შესაძლებლობა მიეცათ, ხელმეორედ ჩართულიყვნენ ეროვნულ გამოცდებში.

„ბათუმელების“ კითხვაზე, რა ფორმით ჩააბარებს აღნიშნული ორი აბიტურიენტი გამოტოვებულ გამოცდას, ცენტრში გვითხრეს, რომ ეს ინფორმაცია კონფინდენციალურია. ცენტრში არც იმაზე გვიპასუხეს, აღნიშნული აბიტურიენტები რომელი საგამოცდო ცენტრიდან მოხსნეს.

____________________________________

მთავარი ფოტო: ერთიანი ეროვნული გამოცდები 2020

გადაბეჭდვის წესი


ასევე: