ბოლო 24 საათის განმავლობაში თურქეთში კორონავირუსის 1086 ახალი შემთხვევა დაფიქსირდა. ჯამში თურქეთში Covid 19-ით დაინფიცირდა 206 844 პირი.
თურქეთში კორონავირუსით 5241 ადამიანი დაიღუპა, მათ შორის, ბოლო 24 საათის განმავლობაში გარდაიცვალა – 16. თურქეთი კორონავირუსის გავრცელების მასშტაბით მსოფლიოში მე-14 ადგილზეა. ინფორმაციას თურქული სააგენტო „ანადოლუ“ ავრცელებს.
ჯერ კიდევ უცნობია, როდის შეიძლება გაიხსნას საქართველოს საზღვარი თურქეთთან, ისევე, როგორც სხვა ქვეყნებთან. 3 ივლისს პრემიერმა გახარიამ თქვა, რომ მთავრობა სახმელეთო საზღვრების გახსნას ჯერ არ აპირებს. უცნობია, ფრენების აღდგენის კონკრეტული თარიღიც.
სარფის სასაზღვრო პუნქტის გახსნის მოთხოვნით პერიოდულად იმართება საპროტესტო აქციები.
საქართველოში დღეს კორონავირუსით დაინფიცირების 5 ახალი შემთხვევაში დაფიქსირდა. ბოლო მონაცემებით, ქვეყანაში სულ კორონავირუსით დაინფიცირდა 958 ადამიანი, გამოჯანმრთელდა – 838, გარდაიცვალა – 15.
