Batumelebi | სვანეთში ხანძარს 110 მეხანძრე და 3 ვერტმფრენი აქრობს – მესამე დღე სვანეთში ხანძარს 110 მეხანძრე და 3 ვერტმფრენი აქრობს – მესამე დღე – Batumelebi
RU | GE  

სვანეთში ხანძარს 110 მეხანძრე და 3 ვერტმფრენი აქრობს – მესამე დღე

საგანგებო სიტუაციების მართვის სამსახურის ინფორმაციით, მესტიის მუნიციპალიტეტის სოფელ ხაიშთან, ტყის მასივში გაჩენილი ხანძრის ქრობის სამუშაოები უწყვეტად მიმდინარეობს.

საგანგებოს ცნობით, დილიდან ადგილზე მობილიზებულია დამატებითი ძალები.

სვანეთში ამჟამად მუშაობს 110 მეხანძრე-მაშველი და 7 ერთეული სახანძრო-სამაშველო ტექნიკა.

მუშაობა განაახლეს შინაგან სამინისტროს სასაზღვრო პოლიციის ვერტმფრენებმა. პროცესში დღეს, 7 ივლისს, დილიდან ჩაერთო მესამე ვერტმფრენი.

ხანძრის ქრობის სამუშაოებს ართულებს რთული რელიეფი, სიცხე და ძლიერი ქარი.

საგანგებო სიტუაციების მართვის სამსახურის ინფორმაციით, ხანძრის ქრობის სამუშაოები ადგილზე მესამე დღეა მიმდინარეობს.

_______

ფოტო: საგანგებო სიტუაციების მართვის სამსახური

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com