შს სამინისტროს ინფორმაციით, დააკავეს დედა, რომელმაც არასრულწლოვან შვილზე იძალადა.
გამოძიება მიმდინარეობს სსკ-ის 126-ე პრიმა მუხლის მეორე ნაწილის „ა“ ქვეპუნქტით, რაც წინასწარი შეცნობით არასრულწლოვნის მიმართ ოჯახში ჩადენილ ძალადობას გულისხმობს.
გამოძიების ვერსიით, 9 წლის ბავშვზე დედამ ფიზიკურად იძალადა, შემთხვევა ხელვაჩაურში მოხდა. „ბათუმელების“ ინფორმაციით, ბავშვი ნაცემი იყო და ჰქონდა ნაკბენიც. დაკავებულ ქალს კიდევ ორი მცირეწლოვანი შვილი ჰყავს.
„არასრულწლოვანი უკვე იმყოფება უსაფრთხო გარემოში. სოცმუშაკები არიან ჩართულები და საპროცესო წარმომადგენლობა დაიწყეს,” – მოგვწერეს „ბათუმელებს“ შემთხვევის შესახებ ჯანდაცვის სამინისტროს პრესცენტრიდან.
ამავე თემაზე:
9 წლის ბავშვზე დედისგან ძალადობისთვის ფაქტზე გამოძიება დაიწყო