ხელვაჩაურში დედამ 9 წლის შვილზე ფიზიკურად იძალადა. „ბათუმელების“ ინფორმაცით, გოგო 9 წლისაა, ის ნაცემი იყო და ჰქონდა ნაკბენიც.
“არასრულწლოვანი უკვე იმყოფება უსაფრთხო გარემოში. სოცმუშაკები არიან ჩართულები და საპროცესო წარმომადგენლობა დაიწყეს,” – მოგვწერეს შემთხვევის შესახებ ჯანდაცვის სამინისტროს პრესცენტრიდან.
გამოძიება დაწყებულია არასრულწლოვნის წინააღმდეგ ჩადენილი ოჯახში ძალადობის მუხლით.
შენიშვნა: თავდაპირველად წყაროზე დაყრდნობით ჩვენ მიერ გავრცელდა ინფორმაცია, რომ ძალადობის ფაქტზე დაკავებულია დედა, თუმცა შინაგან საქმეთა სამინისტროს ინფორმაციით, მიმდინარეობს აქტიური საგამოძიებო მოქმედებები და ამ დრომდე ბავშვის დედა დაკავებული არ არის.