ბათუმი,მთავარი,სიახლეები

თვითდასაქმებულებს არასრული დოკუმენტების განახლება 15 ივლისამდე შეუძლიათ – კომპენსაცია

06.07.2020 • 3495
თვითდასაქმებულებს არასრული დოკუმენტების განახლება 15 ივლისამდე შეუძლიათ – კომპენსაცია

საქართველოში თვითდასაქმებულებს, რომლებიც 2020 წლის 1-ელ ივლისამდე 300 ლარი კომპენსაციის მისაღებად დარეგისტრირდნენ, მაგრამ შესაბამისი დოკუმენტაცია ატვირთული აქვთ არასრულად ან არის დასაზუსტებელი, უფლება აქვთ, არასრული/დაუზუსტებელი მიმაგრებული დოკუმენტაცია განაახლონ არაუგვიანეს 2020 წლის 15 ივლისისა.

საზღვარგარეთ თვითდასაქმებულთაგან განსხვავებით, საქართველოში თვითდასაქმებულებს ერთჯერადი კომპენსაციის მისაღებად რეგისტრაციისას გარკვეული დოკუმენტების/ცნობების ატვირთვაც ევალებოდათ.

დარეგისტრირებულ თვითდასაქმებულებს ატვირთული დოკუმენტების დაზუსტებაზე ან ახალი დოკუმენტების ატვირთვის შესახებ სმს-შეტყობინებები დასაქმების სააგენტოსგან უნდა მიეღოთ.

„იმ თვითდასქამებულს, რომელსაც მიუვიდა შეტყობინება დოკუმენტის დაზუსტებაზე, მას ამის გაკეთება შეუძლია ელექტრონულად. ყველა დარეგისტრირებულ თვითდასაქმებულს აქვს თავისი „მომხმარებლის გვერდი“ და დამატებითი თუ დაზუსტებული დოკუმენტაცია შეუძლიათ ატვირთონ ამ გვერდიდან“, – უთხრეს „ბათუმელებს“ დასაქმების სააგენტოში.

დაზუსტებული დოკუმენტაციის ასატვირთად გადადით ამ ბმულზე.

დასაქმების ხელშეწყობის სახელმწიფო სააგენტოს ინფორმაციით, პირველი ივლისის მდგომარეობით, საქართველოში დარეგისტრირდა კომპენსაციის მიმღები 165 626 თვითდასაქმებული. აქედან, სააგენტოს ცნობით, 300 ლარი კომპენსაცია მიიღო 104 547-მა თვითდასაქმებულმა, სულ გადაირიცხა 31 364 100 ლარი. სააგენტო აცხადებს, რომ კომპენსაციის თანხა მოქალაქეებს ეტაპობრივად ერიცხებათ.

მას, ვინც დარეგისტრირდა, მაგრამ კომპენსაცია დღემდე არ დარიცხვია, ინფორმაციის მისაღებად, როგორც დასაქმების სააგენტოში გვითხრეს, შეუძლია დარეკოს ჯანდაცვის ცხელ ხაზზე – 1505

რაც შეეხება, საზღვარგარეთ თვითდასაქმებულებს, მათი რეგისტრაცია გრძელდება 2020 წლის 15 ივლისამდე;

კომპენსაციის მიმღებ პირებად  რეგისტრაციის უფლება აქვთ:

  • საქართველოს იმ მოქალაქეებს, რომლებიც თვითდასაქმებულები იყვნენ საქართველოს საზღვრებს გარეთ, რის გამოც 2019 წელს უფიქსირდებათ საზღვრის კვეთა არანაკლებ 60-ჯერ, ან/და
  • 2019 წლის მარტის თვიდან ოქტომბრის თვის ჩათვლით პერიოდში უფიქსირდებათ საქართველოს ფარგლებს გარეთ ყოფნა 30-იდან 120 კალენდარული დღის ჩათვლით.

ამ თემაზე ვცლად:

როგორ მივიღო კომპენსაცია, 300 ლარი? – პასუხები ყველაზე ხშირად დასმულ კითხვებზე  

გადაბეჭდვის წესი


ასევე: