Batumelebi | გოდერძის ჩანჩქერი აჭარის პატარა სოფელში [ფოტოამბავი] გოდერძის ჩანჩქერი აჭარის პატარა სოფელში [ფოტოამბავი] – Batumelebi
RU | GE  

გოდერძის ჩანჩქერი აჭარის პატარა სოფელში [ფოტოამბავი]

სოფელი მეძიბნა ქედაში მდებარეობს. ბათუმიდან დაახლოებით საათ-ნახევარია ავტომობილით საჭირო ამ სოფელში მისასვლელად. სოფელში 45-50 კომლი ცხოვრობს.

სწორედ ამ პატარა სოფელში მდებარეობს წყალუხვი ჩანჩქერი, რომელსაც „გოდერძის ჩანჩქერს“ ეძახიან. ჩანჩქერი ორ სოფელს, მეძიბნასა და ოქტომბერს ესაზღვრება და, მართალია, ქედაში მის შესახებ იციან, თუმცა ბევრი ტურისტისთვის ეს ახალი, უცნობი ადგილია აჭარაში.

ჩანჩქერის სიმაღლე დაახლოებით 30 მეტრია. ჩანჩქერის უკან,  ქვაში, არის ბუნებრივი ღრმული, სადაც 10-მდე ადამიანს შეუძლია მოთავსება.

სოფელში გვითხრეს, რომ ბოლო წლებში ამ ადგილის სტუმრები უკვე ტურისტებიც არიან. ქედის მერიამ გასულ წელს ჩანჩქერთან მისასვლელი კიბეც მოაწყო.

გოდერძის ჩანჩქერი იმ 15 ჩანჩქერს  შორისაა, რომლებიც ქედისა და ხელვაჩაურის ტურისტული პოტენციალის კვლევისას შეისწავლეს.

ჩანჩქერი მეძიბნაში. ფოტო: აჭარის ტურიზმისა და კურორტების დეპარტამენტი

ჩანჩქერი მეძიბნაში. ფოტო: აჭარის ტურიზმისა და კურორტების დეპარტამენტი

ჩანჩქერი მეძიბნაში. ფოტო: აჭარის ტურიზმისა და კურორტების დეპარტამენტი

_________________

შეცდომის გასწორება: შეცვლილია მთავარი ფოტო, რომელზეც მერისის ჩანჩქერი იყო გამოსახული. 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com