Batumelebi | რა ნომერზე შეგიძლიათ დაუკავშირდეთ ბათუმის მერიის სამსახურებს – სიახლე რა ნომერზე შეგიძლიათ დაუკავშირდეთ ბათუმის მერიის სამსახურებს – სიახლე – Batumelebi

რა ნომერზე შეგიძლიათ დაუკავშირდეთ ბათუმის მერიის სამსახურებს – სიახლე

ბათუმის მერიამ ე.წ. ქოლცენტრი აამოქმედა, რაც მოქალაქეს საშუალებას მისცემს, პირდაპირ დაუკავშირდეს კონკრეტულ სამსახურს.

ქოლცენტრის ნომერია 0 800 000 810 – ამ ნომრიდან შეძლებთ დაუკავშირდეთ ბათუმის მერიის კანცელარიის, ჯანდაცვის, ქალაქმშენებლობისა და ურბანული პოლიტიკის, განათლების, ქონების მართვის, მუნიციპალური ინსპექციის, კეთილმოწყობისა და მუნიციპალური სერვისების სამსახურებს.

ბათუმის მერმა, ლაშა კომახიძემ დღეს, 15 ივნისს, ისაუბრა შიდა ტურიზმის ამოქმედების შესახებ და განაცხადა, რომ ვირუსის გავრცელების პრევენციისთვის დადგენილი რეკომენდაციების შესრულებას ბათუმის მუნიციპალური ინსპექცია გააკონტროლებს.

„ბათუმი მზადაა ტურისტების მისაღებად, ინსპექცია ამოწმებს ტურისტულ ობიექტებს დაწესებული რეგულაციების შესაბამისად, გთხოვთ, როგორც ტურისტული ობიექტების მეპატრონეებს, ასევე მოქალაქეებს, მაქსიმალურად გავითვალისწინოთ რეკომენდაციები და შევინარჩუნოთ მწვანე ქალაქის სტატუსი,“ – განაცხადა ლაშა კომახიძემ.

მერიის ინფორმაციით, ამ დროისთვის მუნიციპალურ ინსპექციას შემოწმებული აქვს ასზე მეტი ობიექტი რეგულაციების დაცვის თვალსაზრისით, მათ შორის სასტუმროები, აუზები და სილამაზის სალონები.

ნეტგაზეთის მასალების სხვა გამოცემებში გადაბეჭდვის წესი
ავტორი