Batumelebi | 15 ივნისიდან საგარეუბნო მატარებლების მოძრაობა არ განახლდება 15 ივნისიდან საგარეუბნო მატარებლების მოძრაობა არ განახლდება – Batumelebi

15 ივნისიდან საგარეუბნო მატარებლების მოძრაობა არ განახლდება

15 ივნისს, ორშაბათს, საქართველოში მატარებლების მოძრაობა აღდგება, თუმცა მხოლოდ 5 მიმართულებით: თბილისი-ბათუმი, თბილისი-ოზურგეთი, თბილისი-ფოთი, თბილისი-ზუგდიდი, თბილისი-ქუთაისი. 

რაც შეეხება საგარეუბნო მატარებლებს, მათი მიმოსვლა კვლავ შეჩერებულია, მიუხედავად მთავრობის გადაწყვეტილებისა, სარკინიგზო მიმოსვლის გახსნის შესახებ.

„საქართველოს რკინიგზაში“ ვერ გვითხრეს მიზეზი, რატომ არ იმოძრავებენ საგარეუბნო მატარებლები, ან როდის აღდგება საგარეუბნო მატარებლებით მგზავრობა.

15 ივნისიდან მატარებლით გადაადგილებისას, კორონავირუსის პანდემიის გამო, ახალი რეგულიციები შედის ძალაში. კერძოდ, მატარებელში შესვლამდე მგზავრი გაივლის თერმოსკრინინგს, დეზობარიერს და ვალდებულია ხელები დაიმუშაოს სადეზინფექციო ხსნარით. ასევე, მგზავრი ვალდებულია მგზავრობის განმავლობაში ატაროს პირბადე.

საგარეუბნო მატარებელი, მაგისტრალურისგან განსხვავებით, თითქმის ყველა სადგურში ჩერდება, შესაბამისად, მგზავრების ნაკადზეც იგივე რეგულაციები უნდა გავრცელდეს: თერმოსკრინინგი, დეზობარიერი და ა.შ.

ამავე თემაზე: 

მატარებელი 5 მიმართულებით მხოლოდ დღისით იმოძრავებს – ბილეთების გაყიდვა დაიწყო

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com