Batumelebi | ბოლო 37 დღის მანძილზე აჭარაში კოვიდ-19-ის შემთხვევა არ გამოვლენილა ბოლო 37 დღის მანძილზე აჭარაში კოვიდ-19-ის შემთხვევა არ გამოვლენილა – Batumelebi

ბოლო 37 დღის მანძილზე აჭარაში კოვიდ-19-ის შემთხვევა არ გამოვლენილა

აჭარაში კორონავირუსის შემთხვევები არც ბოლო კვლევების შემდეგ გამოვლინდა. დაავადებათა კონტროლის აჭარის სამმართველოსა და ბათუმის ინფექციური საავადმყოფოს ლაბორატორიებში ჩატარებული 246 ლაბორატორიული კვლევის შედეგი უარყოფითია.

ცხელების კლინიკებში 33 პირია მოთავსებულია, მათი კვლევის პასუხები კი დღის ბოლოს იქნება ცნობილი.

ოფიციალური წყაროს ცნობით, რეგიონში კორონავირუსის პირველი შემთხვევა (იმპორტირებული) 14 მარტს დადასტურდა, დღემდე რეგიონში ვირუსი დაუდგინდა 71 ადამიანს, თუმცა ამ დროისთვის კლინიკაში არცერთი პაციენტი აღარ იმყოფება.

„კორონავირუსი დაამარცხა და კლინიკა დატოვა 70-მა პაციენტმა“-ამბობენ აჭარის ჯანდაცვის სამინისტროში.

ამჟამად რეგიონში არ არის კოვიდ დადებითი პაციენტი. 30 აპრილის შემდეგ აჭარაში კორონავირუსით ინფიცირების ახალი შემთხვევა არ გამოვლენილა.

კორონავირუსის შედეგად გარდაიცვალა 2 ადამიანი.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com