Batumelebi | ბათუმში ბოლო 2 პაციენტი განიკურნა კორონავირუსისგან – აჭარა მწვანე ზონაა ბათუმში ბოლო 2 პაციენტი განიკურნა კორონავირუსისგან – აჭარა მწვანე ზონაა – Batumelebi
გამოჯანმრთელებული

ბათუმში ბოლო 2 პაციენტი განიკურნა კორონავირუსისგან – აჭარა მწვანე ზონაა

დღეს, 23 მაისს, ბათუმში კლინიკა „მედალფა“ დატოვა ბოლო ორმა კოვიდინფიცირებულმა პაციენტმა.

აჭარის მთავრობის თავმჯდომარემ ეს ინფორმაცია ბრიფინგზე გაავრცელა.

მისი თქმით დღეიდან აჭარა მწვანე ზონა ხდება და მაქსიმალურად შეეცდებიან, რომ რეგიონმა ეს სტატუსი შეინარჩუნოს.

აჭარაში 23 დღეა კორონავირუსის ახალი შემთხევა არ დაფიქსირებულა.

ამ დრომდე აჭარაში კორონავირუსზე PCR ტესტი ჩაუტარდა 10 773 პირს.

კორონავირუსი დაუდასტურდა 71 ადამიანს, მათგან 69-მ ვირუსი დაამარცხა და კლინიკა დატოვა, ორი – გარდაიცვალა.

_____________________

ილუსტრაცია: „ბათუმელები“/მარიამ მუთიძე

ნეტგაზეთის მასალების სხვა გამოცემებში გადაბეჭდვის წესი
ავტორი