Batumelebi | როდის აღდგება საზოგადოებრივი ტრანსპორტის მოძრაობა – ამირან გამყრელიძის განმარტება როდის აღდგება საზოგადოებრივი ტრანსპორტის მოძრაობა – ამირან გამყრელიძის განმარტება – Batumelebi
RU | GE  

როდის აღდგება საზოგადოებრივი ტრანსპორტის მოძრაობა – ამირან გამყრელიძის განმარტება

დღეიდან, 23 მაისიდან საქართველოში საგანგებო მდგომარეობა და კომენდანტის საათი გაუქმებულია. გაუქმდა მთელი რიგი შეზღუდვებიც, თუმცა ძალაშია აკრძალვა საზოგადოებრივ ტრანსპორტზე. ჯერჯერობით ისევ გაურკვეველია როდის დაიწყებს შიდასაქალაქო და საქალაქთაშორისო ტრანსპორტი მუშაობას.

22 მაისს, გადაცემა „ღამის კურიერში“ სტუმრად მყოფმა დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელმა ამირან გამყრელიძემ თქვა, რომ ესმის მოქალაქეების, რომელიც გაბრაზებული არიან შექმნილი დისკომფორტის გამო, მაგრამ შეზღუდვა დროებით ისევ უნდა შენარჩუნდეს.

“მესმის, რომ ეს მართლაც სერიოზული დისკომფორტია, დღეს იყო ამაზე საუბარი საკოორდინაციო საბჭოზეც. ჩვენ თუ რამეს მივაღწიეთ საქართველოში და გამოვიყურებით რაღაც კუნძულად, ერთ-ერთი მთავარი იარაღი, რაც იქნა გამოყენებული, დროულად, სწორად და კარგად, ეს იყო მობილობის დაგდება, გადაადგილების შეზღუდვა ქვეყანაში. მესმის, რომ ეს რთულია…

როდესაც პიარ ჯგუფი სოციალურ ქსელში ჩემს შესახებ დაწერილი ინფორმაციის მონიტორინგს გვიკეთებს, ძალიან ბევრი განაწყენებულია ამ საკითხზე. მესმის ხალხის უკმაყოფილება. მაგრამ ხაზს ვუსვამ, როდესაც სასწორის ორ პინზე დებ ერთის მხრივ ადამიანთა ჯანმრთელობას, მეორეს მხრივ  კი გარკვეულ მოთმინებას, ჯობია, რომ ცოტა დისკომფორტი გვქონდეს. მე არამგონია, რომ ეს დიდხანს გაგრძელდეს. თუ ჩვენ იმ ეპიდსიტუაციას შევინარჩუნებთ, რაც დღეს ქვეყანაში არის და ახალი შემთხვევების რაოდენობა გვექნება აი ამ ფარგლებში – 5-10 ან 15. თუ ამ ტიპის ტენდენციები გვექნა, ამ საკითხს საკოორდინაციო საბჭო განიხილავს და მიიღებს შესაბამის გადაწყვეტილებას,” – განაცხადა ამირან გამყრელიძემ.

 

ტანსაცმელს ისევ ვერ იყიდით და ვერც კაფეში წახვალთ – რა შეზღუდვა უქმდება და რა რჩება ძალაში

ნეტგაზეთის მასალების სხვა გამოცემებში გადაბეჭდვის წესი
ავტორი