Batumelebi | კომპენსაციის მისაღებად მონაცემების გადაგზავნა 30 მაისის ჩათვლითაა შესაძლებელი – სიახლე კომპენსაციის მისაღებად მონაცემების გადაგზავნა 30 მაისის ჩათვლითაა შესაძლებელი – სიახლე – Batumelebi

კომპენსაციის მისაღებად მონაცემების გადაგზავნა 30 მაისის ჩათვლითაა შესაძლებელი – სიახლე

დამსაქმებლებს, შემოსავლების სამსახურში იმ თანამშრომლების მონაცემების გადაგზავნა, რომლებიც პანდემიის გამო უხელფასოდ დარჩნენ, 20 მაისის ნაცვლად 30 მაისის ჩათვლით შეუძლიათ.

დამქირავებელი უფლებამოსილია ასევე ამ დროისთვის უკვე წარდგენილი მონაცემები დააზუსტოს და 30 მაისის ჩათვლით პერიოდში ხელახლა წარადგინოს შემოსავლების სამსახურში.

ამასთან, კომპენსაცია დასაქმების სააგენტოს მიერ გაიცემა  პირის მითითებულ საბანკო ანგარიშზე არაუგვიანეს შესაბამისი თვის (თვე, რომელშიც  პირმა ვერ მიიღო ხელფასი) მომდევნო თვის 30 რიცხვისა. ანუ, 20 მაისამდე წარდგენილი მონაცემების მიხედვით დასაქმებული აპრილის თვის კომპენსაციას – 200 ლარს მიიღებს 31 მაისამდე.

მაისის 21-დან 30 რიცხვის ჩათვლით წარდგენილი ინფორმაციების მიხედვით კი, კომპენსაცია გაიცემა 11 ივნისამდე.

შესაბამისი ცვლილება პროგრამაში მთავრობამ ორი დღის წინ შეიტანა.

ოქალაქეს, რომელიც იყო დასაქმებული და კორონავირუსის პანდემიის გამო უხელფასოდ დარჩა, თავად შეუძლია გადაამოწმოს, არის თუ არა ის კომპენსაციის მიმღებთა სიაში/რეესტრში. გადასამოწმებლად გადადით ამ ბმულზე:

შემოსავლების სამსახურის ინფორმაციით, 20 000-მდე დამსაქმებელს უკვე წარდგენილი აქვს ინფორმაცია უმუშევრად დარჩენილი 78 000 დასაქმებულის შესახებ, თუმცა, „უწყების მონაცემებით, ეს რიცხვი გაცილებით მეტი უნდა იყოს“.

ამიტომ „შემოსავლების სამსახური კიდევ ერთხელ მოუწოდებს დამსაქმებლებს, შეასრულონ მთავრობის დადგენილებით მათზე დაკისრებული ვალდებულება და დროულად უზრუნველყონ შესაბამისი ინფორმაციის წარმოდგენა, რათა დაქირავებით დასაქმებულებმა მიიღონ კუთვნილი კომპენსაციების თანხები“.

დეტალურად ამ თემაზე:

78 000 დასაქმებული უმუშევარი დარჩა, მათი რიცხვი მეტი უნდა იყოს – შემოსავლების სამსახური

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com