Batumelebi | ორ კვირაზე მეტია აჭარაში კორონავირუსის შემთხვევა არ გამოვლენილა ორ კვირაზე მეტია აჭარაში კორონავირუსის შემთხვევა არ გამოვლენილა – Batumelebi

ორ კვირაზე მეტია აჭარაში კორონავირუსის შემთხვევა არ გამოვლენილა

აჭარის ჯანდაცვის სამინისტროს ცნობით, ბათუმში ჩატარებული 335 ლაბორატორიული კვლევის შედეგი Covid19-ზე უარყოფითია. ცხელების კლინიკებში მოთავსებულია 24 პირი, მათი კვლევის პასუხები დღის ბოლოს გახდება ცნობილი.

30 აპრილის შემდეგ აჭარაში კორონავირუსით ინფიცირების ახალი შემთხვევა არ გამოვლენილა.

რეგიონში კორონავირუსის პირველი, იმპრორტირებული შემთხვევა დადასტურდა 14 მარტს. დღემდე რეგიონში ვირუსი დაუდგინდა 71 ადამიანს.

ჯამში აჭარაში კორონავირუსზე PSR ტესტი ჩაუტარდა 8612 პირს.

ამჟამად კლინიკა „მედალფაში“ მკურნალობს 4 ინფიცირებული პაციენტი.

კორონავირუსი დაამარცხა და კლინიკა „მედალფა“ დატოვა 60-მა პაციენტმა, გადაიცვალა 2 პაციენტი.

დღეის მონაცემებით, აჭარაში კარანტინში იმყოფება 1114 პირი.

15 მაისის მონაცემებით [10:30 სთ] საქართველოში დადასტურებულია ახალი კორონავირუსის 671 შემთხვევა, მათ შორის, გამოჯანმრთელდა 393 პირი, გარდაიცვალა – 12.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com