ნეტგაზეთი • RU

ბათუმში კორონავირუსით ინფიცირებული მხოლოდ 4 პაციენტი დარჩა

აჭარის ჯანდაცვის სამინისტროს ინფორმაციით, ბათუმში ახალი კორონავირუსისგან კიდევ 7 პაციენტი გამოჯანმრთელდა და ამჟამად კლინიკა „მედალფაში“, სადაც კოვიდინფიცირებულ პირებს მკურნალობენ, მხოლოდ 4 პაციენტი დარჩა.

აჭარაში 12 დღეა კორონავირუსის ახალი შემთხვევა არ გამოვლენილა. დღეს, ასევე, კორონავირუსზე 36 ტესტის პასუხი უარყოფითია.

აჭარაში 50 პაციენტი განიკურნა კორონავირუსისგან, გარდაიცვალა – ორი.

12 მაისის მონაცემებით, საქართველოში კორონავირუსის 639 დადასტურებული შემთხვევაა, მათ შორის, გამოჯანმრთელდა 349 ადამიანი, გარდაიცვალა – 11. 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com