დღეს, 12 მაისს, ბათუმში Covid19 250 პაციენტს არ დაუდასტურდა. ინფორმაციას აჭარის ჯანდაცვის სამინისტრო ავრცელებს.
ბოლო მონაცემებით, კლინიკა „მედალფაში“ 13 პაციენტი მკურნალობს Covid19-ზე. აჭარაში ჯამში 43 პირი განიკურნა კორონავირუსისგან.
კლინიკა „მედალფაში“ კორონავირუსით კიდევ ერთი პაციენტი გუშინ, 11 მაისს გარდაიცვალა – 81 წლის კაცი „ქობულეთის კლასტერიდან“ იყო. პირველი პაციენტი 18 აპრილს გარდაიცვალა, 73 წლის ქალი, რომლის ინფიცირებაც ასევე „ქობულეთის კლასტერს“ უკავშირდებოდა. გარდაცვლილი ქალი და კაცი ცოლ-ქმარი იყო.
12 მაისის მონაცემებით [11:00], ქვეყანაში კორონავირუსით დადასტურებული შემთხვევაა 639, მათ შორის, გამოჯანმრთელდა 349. გარდაცვლილია – 11. კარანტინის რეჟიმში იმყოფება 4769 პირი, სტაციონარში მეთვალყურეობის ქვეშ – 414.
