დღეს, 7 მაისს, თბილისში, საკოორდინაციო საბჭოს შეხვედრის შემდეგ აჭარის მთავრობის თავმჯდომარემ თორნიკე რიჟვაძემ განაცხადა, რომ ქობულეთის მიმართულებით შეზღუდვები მოიხსნება.
„უკვე ერთი კვირაა აჭარაში აღარ გვიფიქსირდება კორონავირუსის შემთხვევები, ამიტომ, ჩვენ პრაქტიკულად ხვალიდან მოგვეცემა შესაძლებლობა, მოვხსნათ შეზღუდვები ქობულეთის ოთხ ადმინისტრაციულ ერთეულში,“- განაცხადა თორნიკე რიჟვაძემ.
ქობულეთის ოთხი სოფელი 12 აპრილის შემდეგ კორონავირუსის პანდემიის გამო ჩაკეტილია. 4 ადმინისტრაციულ ერთეულში – გვარაში, მუხაესტატეში, ლეღვასა და წყავროკაში, ამ დრომდე სპეციალური რეჟიმი მოქმედებს.
