„გიდები, რომლებიც საკმაოდ დიდ პროდუქტს ქმნიდნენ ჩვენს ტურისტულ ინდუსტრიაში, მათთან გვაქვს აქტიური კომუნიკაცია, ჩვენ ვამუშავებთ ცალკე პროგრამას, რომ მოხდეს მათი იდენტიფიკაცია, რეგისტრაცია, ახლა ეს პრობლემაც დადგა და მათ შორის, უფრო მაღალი ხარისხის დანერგვა. ჩვენ გიდებისგან წამოსულ მოთხოვნებს შევუწყობთ ხელს…“ – აღნიშნა დღეს, 7 მაისს, ეკონომიკის და მდგრადი განვითარების მინისტრმა, ნათია თურნავამ, როცა მან ტურიზმის მხარდაჭერის გეგმა წარმოადგინა.
ნათია თურნავას თქმით, სამინისტრო გიდებს მცირე ბიზნესის პროგრამებში დასაქმებაში დაეხმარება. მინისტრს არ დაუკონკრეტებია, როგორ დაეხმარებიან გიდებს ახალი სამუშაო ადგილის მოძიებაში.
„ჩვენ მათ მივცემთ შესაძლებლობას, უფასო ვიზიტები ჰქონდეთ მუზეუმებსა და დაცულ ტერიტორიებზე, რომელიც მალე გაიხსნება,“ – დასძინა ეკონომიკის მინისტრმა.
ამ თემაზე:
https://netgazeti.ge/news/450261/
