RMG Gold-ის სკრინინგის განცხადებიდან:
ზედაპირული და მიწისქვეშა წყლები
ნატრიუმის ციანიდის მზა წყალხსნარის მიმღები კვანძი მოეწყობა საყდრისის გროვული გამოტუტვის უბნის საწარმოო ტერიტორიაზე თითქმის იგივე ადგილზე, სადაც განთავსებულია მოქმედი ციანხსნარის შემრევი რეზერვუარი ზედაპირულ და მიწისქვეშა წყლებზე ნეგატიური ზემოქმედების გამომწვევი მიზეზი შეიძლება იყოს ციანიდის წყალხსნარის გადატუმბვისას მისი შემთხვევითი დაღვრა.
პოტენციურ დამაბინძურებელ წყაროებს წარმოადგენს შემამჭიდროვებელი ტუმბოებსა და საკვალთებზე ცისტერნებზე მისაერთებელი ქუროები, დრეკადი არმირებული ჩამოსატვირთი მილი და საკუთრივ საცავი, სადაც ინახება ა/ნ 18%-იანი წყალხსნარი.
ჩვეულებრივ სამუშაო პირობებში დაბინძურების ადგილებზე შესაძლებელია გაჩნდეს ნაღვენთი წვეთების სახით, ან/და ნამის სახით, საცავიდან ხსნარის მასიური დაღვრა შესაძლებელია განსაკუთრებულ ტექნოგენურ ზემოქმედებისას, რომელიც გამოიწვევს საცავის ნაწილობრივ ან მთლიან რღვევას.
აღნიშნული რისკის მინიმუმამდე შემცირების მიზნით, წყალხსნარის მიმღები კვანძი ითვალისწინებს დაღვრის საწინააღმდეგო და სადრენაჟე სისტემის მოწყობას, როგორც უშუალოდ სატრანსპორტო საშუალების მიმღებ ბაქანზე, ასევე წყალხსნარის გადატუმბვის და მიმღები საცავების პერიმეტრზე, რაც სრულად უზრუნველყოფს დაღვრის 110% მოცულობის ლოკალიზებას და მის მიმართვას საწარმოო ბასეინების სისტემაში.
ამასთან, მომუშავე პერსონალი გაცნობილი იქნება წარმოების კონტროლის პროცედურებს, სადაც დეტალურად იქნება გაწერილი ტექნოლოგიური რეჟიმის ნორმები და პროცესის პარამეტრები, გათვალისწინებული იქნება გადატუმბვის პროცესში მოქმედი აგრეგატების (შემადგენელი
დეტალების) დაზიანების რისკები და მათი აღმოფხვრის მეთოდები.
ამდენად, კვანძის ექსპლუატაციისას შემთხვევით დაღვრილი წყალხსნარი მთლიანად ჩაიღვენთება სადრენაჟო სისტემაში, ხოლო მნიშვნელოვანი ავარიული სიტუაციების დროს საჭირო ღონისძიებები და პროცედურები დეტალურად გაწერილია კომპანიის ავარიული სიტუაციების მართვის გეგმაში.
ციანიდის წყალხსნარის გამოყენებისას ზედაპირულ და მიწისქვეშა წყლებზე შესაძლო ზემოქმედების კონტროლის მიზნით, საწარმოო ტერიტორიის პერიმეტრზე დაწესებულია წყლის ხარისხის სისტემატიური ლაბორატორიული კვლევები კომპანიის გარემოსდაცვითი
მონიტორინგის (თვითმონიტორინგის) გეგმის შესაბამისად.
ატმოსფერული ჰაერი
ახალი კვანძის სამონტაჟო სამუშაოების ეტაპზე მოსალოდნელი არ არის მტვრის წარმოქმნა, რადგან სამშენებლო სამუშაოები არ ითვალისწინებს მიწის საექსკავაციო სამუშაოებს, განხორციელდება მხოლოდ რკინა-ბეტონის ქვეშის მოწყობა და მზა რკინის კონსტრუქციების მონტაჟი.
იმის გათვალისწინებით, რომ უახლოესი დასახლებული პუნქტი ტერიტორიიდან დაშორებულია 4 კმ-ზე მეტი მანძილით, ტექნიკური საშუალებების გამოყენებისას ადგილი არ ექნება ხმაურის ზენორმირებულ გავრცელებას და ზემოქმედებას მოსახლეობაზე.
სამუშაოების შესრულებისას დაცული იქნება მანქანების, სამშენებლო ტექნიკა და სხვა ხმაურგამომწვევი დანადგარების ტექნიკური პარამეტრები და უსაფრთხოების ნორმები.
გროვული გამოტუტვის პროცესში გამოყენებული იქნება 0.06 %-ანი ციანიდის ხსნარი, ამდენად ექსპლუატაციის ეტაპზე ციანდის აორთქლებისას ჰაერის დაბინძურება დასაშვებ ნორმებში იქნება. ამასთან, ნატრიუმის ციანიდი ღია სივრცეში სწრაფად ნეიტრალდება მზის სხივებით, ხოლო მადანზე ციანიდის წყალხსნარის დასხურებისას ჯანმრთელობისთვის მავნე ციანწყალბადი, რომ არ წარმოიშვას მადნის გროვებს აქვს მჟავატუტოვანი ბალანსი – 7.4 ამის მისაღწევად წარმოება იყენებს კაუსტიკურ სოდას და კირს. ამ პირობებში ციანიდი მუდმივად რჩება გროვებში და არ ორთქლდება.
კვანძის ტერიტორიაზე ჰაერში ციანწყალბადის (HCN) შედარებით მაღალი კონცენტრაცია შეიძლება დაფიქსირდეს უშუალოდ მისი მიწოდებისა და შეგროვების ადგილზე – საცავზე.
ჩვეულებრივ გროვებზე დასხურების ადგილებში ჰაერში ციანიდის კონცენტრაცია 03-04 მილიგრამია 1 მ3-ში (ადამიანზე ციანიდის ზემოქმედების მგრძნობელობა ჰაერში შეადგენს 4.7 მილიგრამს) იმის გათვალისწინებით, რომ ტერიტორია დაშორებული უახლოესი დასახლებული პუნქტიდან (4 კმ) მოსალოდნელი არ არის მავნე ნივთიერებების გავრცელება.
ვინაიდან, ციანიდის მზა წყალხსნარის მიმღები კვანძი წარმოადგენს მავნე ნივთიერებათა გამოყოფის სტაციონარულ წყაროს, კომპანია განახორციელებს ,,ატმოსფერულ ჰაერში მავნე ნივთიერებათა ზღვრულად დასაშვები გაფრქვევის ნორმების პროექტი“-ს ცვლილებას დადგენილი წესით.
პროცესის მომსახურე პერსონალი აღჭურვილი იქნება სპეციალური ინდივიდუალური დაცვის საშუალებებით, ხოლო ატმოსფერულ ჰაერში ციანწყალბადის (HCN) კონცენტრაციის გაზომვა იწარმოებს კომპანიის გარემოსდაცვითი მონიტორინგის (თვითმონიტორინგის) გეგმის
შესაბამისად.
ნიადაგი
სამონტაჟო სამუშაოების ეტაპზე: კვანძის მოწყობის სამუშაოების განხორციელება დაგეგმილია საწარმოო ტერიტორიაზე, სადაც არ არის ნიადაგი და ბეტონის საფარი მოეწყობა უშუალოდ მყარი ქანებით დატკეპნილ ზედაპირზე, რაც გამორიცხავს სამუშაოების ეტაპზე ნიადაგზე ნეგატიურ ზემოქმედებას.
სამონტაჟო სამუშაოებს პროცესში. ნიადაგის/გრუნტის დაბინძურების ძირითადი წყაროები შეიძლება იყოს მყარი და თხევადი ნარჩენების არასწორი მართვა და გამოყენებული ტექნიკიდან ნავთობპროდუქტების გაჟონვა.
აღნიშნულის მინიმუმამდე დაყვანის მიზნით სამუშაო პროცესში დაცული იქნება ნარჩენების შეგროვება და მართვა, ხოლო გამოყენებული ავტოტრანსპორტის და ინსტრუმენტების ტექნიკური გამართულობა მკაცრად გაკონტროლდება.
შემთხვევითი დაღვრისას დაუყოვნებლივ გატარდება დაბინძურებული ტერიტორიის გაწმენდა-რემედიაციის ღონისძიებები.
ექსპლუატაციის ეტაპზე ნიადაგზე ნეგატიური ზემოქმედება მოსალოდნელი შეიძლება იყოს ციანიდის წყალხსნარის შემთხვევითი დაღვრის შედეგად, რაც მინიმუმამდე იქნება შემცირებული მიმღები კვანძის მეორადი ლოკალიზების საშუალებებით. ამასთან, შემთხვევით გრუნტში მოხვედრილი მეორადი ციანიდი მომაკვდინებელი არ არის. დაღვრის შემთხვევაში მისი მარტივად განეიტრალება მოხდება მჟავით ან/და ქლორით.
ბიომრავალფეროვნება და ლანდშაფტი
კვანძის მოწყობის სამუშაოები განხორციელდება საწარმოო იმ ტერიტორიაზე, სადაც განთავსებულია მსგავსი კონსტრუქციის ინფრასტრუქტურა და ახალი კვანძის მოწყობა ვიზუალურად მნიშვნელოვნად არ შეცვლის არსებულ გარემოს.
ასევე, სამონტაჟო სამუშაოები ვერ იქონიებს მავნე ზეგავლენას ბიომრავალფეროვნებაზე, რადგან საპროექტო ტერიტორია მოქცეულია საწარმოო ტექნოლოგიური კვანძების არეალში. ექსპლუატაციის ეტაპზე ციანიდის წყალხსნარის კვანძი მიუწვდომელი იქნება მცირე ცხოველებისა და ფრინველებისთვის, კერძოდ კონსტრუქცია შემოღობილი იქნება ბეტონის და მავთულის მესერით, ხოლო ციანიდის წყალხსნარის მართვის აუზებზე ფრინველთა მოხვედრის თავიდან ასაცილებლად, ტერიტორიაზე დამონტაჟებულია ფრინველთა დასაფრთხობი მოწყობილობები.
ნარჩენების მართვა
ციანიდის მზა წყალხსნარის კვანძის მოწყობის შედეგად მოსალოდნელია სახიფათო ნარჩენის ციანიდის შესაფუთი მასალების (ბიგბეგები) მოცულობის შემცირება.
პროექტი არ გამოიწვევს დამატებით სხვა სახის ნარჩენების წარმოქმნას და შესაბამისად ნარჩენების მართვა განხორციელდება გარემოს დაცვისა და სოფლის მეურნეობის სამინისტროსთან შეთანხმებული ნარჩენების მართვის გეგმის შესაბამისად.
უსაფრთხოება
ნატრიუმის ციანიდის წყალხსნარის მიღების და გაცემის პროცესი ქმნის ადამიანის სიცოცხლის და ჯანმრთელობისათვის საშიშ გარემოებებს, რისთვისაც მკაცრად იქნება დაცული უსაფრთხოების
პროცედურები, რომელსაც გაცნობილი იქნება ყველა მომუშავე პერსონალი.
მუდმივად გაკონტროლდება ინდივიდუალური დაცვის სპეციალური საშუალებების გამოყენება, ხოლო ობიექტი აღჭურვილი იქნება შესაბამისი ხანძარსაწინააღმდეგო საშუალებებით და გამაფრთხილებელი ნიშნებით.