Batumelebi | ბსუ სწავლის საფასურის გადაუხდელობის გამო სტუდენტს სტატუსს არ შეუჩერებს ბსუ სწავლის საფასურის გადაუხდელობის გამო სტუდენტს სტატუსს არ შეუჩერებს – Batumelebi
RU | GE  

ბსუ სწავლის საფასურის გადაუხდელობის გამო სტუდენტს სტატუსს არ შეუჩერებს

ბათუმის რუსთაველის სახელობის სახელმწიფო უნივერსიტეტი აცხადებს, რომ სტუდენტებს სწავლის საფასურის გადაუხდელობის გამო, სტუდენტის სტატუსს არ შეუჩერებენ.

„ქვეყანაში არსებული საგანგებო მდგომარეობიდან გამომდინარე, ამ ეტაპზე, სწავლის საფასურის გადაუხდელობის გამო სტუდენტის სტატუსის შეჩერების საკითხი არ განიხილება.

სტუდენტებს, რომლებიც ვერ ახერხებს სწავლის საფასურის გადახდას, გთხოვთ, კანცელარიული წესით (online) მოგვმართოთ, რათა ინდივიდუალურად იქნას განხილული თითოეული შემთხვევა და მიეცეს შესაბამისი მსვლელობა“, – აცხადებს ბსუ-ს ადმინისტრაცია.

ხოლო, იმ სტუდენტებს, ვისაც აქვს ფინანსური დავალიანება, მაგრამ შეუძლია მისი დაფარვა, ბსუ მოუწოდებს, რომ სწავლის გადასახადი  დროულად დაფარონ.

 

მთავარი ფოტო:  ბსუ/„ბათუმელების“ არქივი.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com