აჭარის ჯანდაცვის სამინისტროს ინფორმაციით, 24 აპრილს, საღამოს, ბათუმში 100 ანალიზის პასუხი Covid-19-ზე უარყოფითია.
ასევე, დღეს ბათუმში დადასტურდა Covid19-ის ერთი ახალი შემთხვევა, რომელიც ქობულეთის კლასტერს უკავშირდება.
ამ დროისათვის ბათუმში 38 პაციენტი მკურნალობს Covid19-ზე კლინიკა „მედალფაში“, მათ შორის ერთის ჯანმრთელობის მდგომარეობა მძიმეა.
24 აპრილის [20:26] მონაცემებით, საქართველოში დადასტურებულია Covid19-ის 431 შემთხვევა. გამოჯანმრთელდა 132 ადამიანი, გარდაიცვალა – 5.
ბოლო მონაცემებით, საქართველოში კარანტინში იმყოფება 5888 პირი, სტაციონარში მეთვალყურეობის ქვეშ კი – 571.