„თუ არ გინდა დარჩე რეანიმაციაში, დარჩი სახლში“ – ექიმების მიმართვა ხალხს [ვიდეო]

“დარჩი სახლში, გადაარჩინე სიცოცხლე!” – ამ გზავნილის გარშემო ახალი თაობის ქართველი ექიმები გაერთიანდნენ. ვიდეომიმართვა, რომელშიც საქართველოში და უცხოეთში მომუშავე 17 ექიმი მონაწილეობს, საზოგადოებას COVID 19-ის პრევენციის მიზნით, სახლში დარჩენისკენ მოუწოდებს. იდეის ავტორები მიიჩნევენ, რომ საქართველო უკვე კრიზისულ ფაზაში შედის და ვირუსის გავრცელების ამ ეტაპზე, თითოეული მოქალაქის გადაწყვეტილება კრიტიკულად მნიშვნელოვანია, როგორც საკუთარი, ასევე სხვისი სიცოცხლის გადასარჩენად.

გთავაზობთ ვიდეოს და მიმართვის ტექსტს:

„ექიმები გთხოვთ,
დარჩი სახლში.
ეს ეხება ყველას. შეგვეხება, მეც და შენც.
დარჩი სახლში.
ჩემი კოლეგები ინფიცირებულები არიან.
ჩემს უკან, ჩემი ოჯახია.
დარჩი სახლში.
კორონავირუსი არ არჩევს ასაკს, კანის ფერს, რელიგიას, სქესს, პროფესიას, გთხოვ დარჩი სახლში.
თქვენ, შეიძლება ვერ გრძნობდეთ, მაგრამ ავრცელებდეთ.
ამ ვირუსით ავადდებიან ბავშვებიც.
დარჩი სახლში.
ამით გაუფრთხილდი შენს თავს და შენს საყვარელ ოჯახის წევრებს.
დარჩი სახლში.
ჩვენ, ყველამ ერთად, შევაფერხეთ ვირუსის გავრცელება.
ახლა ვიწყებთ ბრძოლას სიცოცხლისათვის.
ერთადერთი წამალი სახლში დარჩენა და სოციალური იზოლაციაა.

მე არ მინდა საქართველოში ვნახო ის, რასაც ვუყურებ აქ, ამერიკაში.
ნუ ამარჩევინებ, მშობელი გადავარჩინო, თუ შვილი.
თუ არ გინდა, რომ დარჩე რეანიმაციაში, გთხოვ დარჩი სახლში.
დარჩი სახლში, გადაარჩინე სიცოცხლე!“