დღეს, 16 აპრილის ღამეს, კორონავირუსის 8 ახალი შემთხვევა გამოვლინდა. მთლიანობაში კი დღეს დილიდან 42 ახალი შემთხვევა არის დადასტურებული და ინფიცირებულთა რაოდენობა ამ დროისთვის [21:20] 348-მდე გაიზარდა. დილის მონაცემებით კი, 306 პირი იყო ინფიცირებული.
ეს არის ინფიცირების ყველაზე მეტი შემთხვევა, რაც ერთი დღის განმავლობაში აქამდე გამოვლენილა.
დაავადებათა კონტროლის ეროვნული ცენტრის დირექტორის მოადგილის, პაატა იმნაძის თქმით, დღეს უკვე „არის შემთხვევები, რომლებიც ჩვენ არ ვიცით. ისინი [ინფიცირებულები] ჩვენს გვერდით არიან, მაგრამ ჩვენ ეს არ ვიცით. ამ ადამიანებმა არ იციან, რომ ისინი არიან დაავადებული, მაგრამ ისინი არიან გადამდები“.
ჯანდაცვის მინისტრის, ეკატერინე ტიკარაძის განცხადებით, 9 მაისისთვის შეიძლება ქვეყანაში იყოს 2 ათასი ინფიცირებული, უარეს შემთხვევაში კი 4 ათასიც. მისივე თქმით, ქვეყანაში გვყავს 256 ინფექციონისტი, შესაბამისად, შეგვიძლია მოვუაროთ მხოლოდ 853 ინფექციურ პაციენტს.
ექიმები დღეს მრევლს მოუწოდებენ, ნუ მივლენ ეკლესიებში. ის ადამიანები კი ვინც სამსახურებრივ მოვალეობას ასრულებენ, მოერიდონ ოჯახის წევრებს.
