მთავრობის გადაწყვეტილებით, ხვალიდან საჯარო სივრცეში გადაადგილების ზომები მკაცრდება: 17 აპრილის დღის 12:00 საათიდან 21 აპრილის ჩათვლით სრულად იკრძალება მსუბუქი ავტომანქანებით მოძრაობა, მხოლოდ აფთიაქები და მარკეტები აგრძელებენ მუშაობას.
ასევე სავალდებულო ხდება პირბადეების ტარება დახურულ საჯარო სივრცეში. პასუხისმგებლობა ამ მოთხოვნის შესრულებაზე ეკისრებათ იურიდიულ პირებს.
ამ მოთხოვნის შეუსრულებლობის შემთხვევაში იურიდიული პირები 15 ათასი ლარით დაჯარიმდებიან.
ასევე შეზღუდვები წესდება სასაფლაოებზე გასვლასთან დაკავშირებით. იმ შემთხვევაში, თუკი თითოეულმა მოქალაქემ, კერძო სექტორმა, მთავრობამ, ბიზნესმა, რელიგიურმა ორგანიზაციებმა, სამოქალაქო საზოგადოებამ ყველამ, ზედმიწევნით არ შევასრულეთ კანონი, საგანგებო მდგომარეობის ფარგლებში დაწესებული შეზღუდვები აუცილებლად გახდება ამ ქვეყანაში ეპიდემიოლოგიური გამწვავების საფუძველი და ჩვენ მოგვიწევს ზომების უკიდურესად გამკაცრება, რაც ქვეყნის მასშტაბით სრული კარანტინის გამოცხადებას გულისხმობს“, – განაცხადა პრემიერის პრესპიკერმა ირაკლი ჩიქოვანმა საგანგებო ბრიფინგზე, რომელიც ახლახანს მთავრობის ადმინისტრაციაში გაიმართა.
