Batumelebi | ბათუმში 27 ადამიანს კორონავირუსი არ დაუდასტურდა ბათუმში 27 ადამიანს კორონავირუსი არ დაუდასტურდა – Batumelebi

ბათუმში 27 ადამიანს კორონავირუსი არ დაუდასტურდა

აჭარის ჯანდაცვის სამინისტროს ინფორმაციით, აჭარაში დღეს, 8 აპრილს, აღებული 27 ანალიზიდან ყველა პასუხი უარყოფითია, არც ერთ პირს კორონავირუსი არ აქვს.

ამჟამად ბათუმში, კლინიკა „მედალფაში“, 14 პაციენტი აგრძელებს მკურნალობას, მათ შორის ერთის ჯანმრთელობის მდგომარეობა სტაბილურად მძიმეა.

8 აპრილის [21 სთ] მონაცემებით, საქართველოში დადასტურებულია კორონავირუსის 208 შემთხვევა,  სულ გამოჯანმრთელდა 50 ადამიანი, გარდაიცვალა – 3, კარანტინში იმყოფება – 4 682, სტაციონარში მეთვალყურეობის ქვეშ კი – 375 ადამიანი.

__________

ფოტოზე: ბათუმის ინფექციური საავადმყოფო, სადაც ამჟამად ე.წ. ცხელების ცენტრია

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com