Batumelebi | 104 წლის იტალიელი ქალი კორონავირუსისგან გამოჯანმრთელდა 104 წლის იტალიელი ქალი კორონავირუსისგან გამოჯანმრთელდა – Batumelebi

104 წლის იტალიელი ქალი კორონავირუსისგან გამოჯანმრთელდა

104 წლის ადა ზანუსი, რომელსაც COVID-19 ჰქონდა, გამოჯანმრთელდა. ექიმები გამარჯვებას ზეიმობენ – წერს „ევრონიუსი“.

„ის ვერ ჭამდა, გადასხმაზე იყო. ყველაფერს ვაკეთებდით, რაც შეგვეძლო, მაგრამ დიდი იმედი არ გვქონდა, რადგან პაციენტი პასიური იყო, არაფერზე რეაგირებდა. მკურნალობის მერვე დღეს მან გაიღვიძა, გამოცოცხლდა და საჭმელი მოითხოვა… და ჩვენ მიხვდით, რომ მან გამომჯობინება დაიწყო. ეს წარმოუდგენლად გვახარებს, ეს თითქოს ჯილდოა ყველა ჩვენგანისთვის,“ – უთხრა „ევროინიუსს“ ექიმმა კარლა მარკეზემ.

104 წლის ადა ზანუსი ამბობს, რომ სჯეროდა გამოჯანმრთელების:

„მე იმედი მქონდა და ეს იმედს მაძლევდა. როცა ყველაფერი დასრულდება და კარანტინი მორჩება, ძალიან მინდა გავისეირნო, მზეს მივეფიცხო, ამას ძალიან ველოდები. შემდეგ ჩემთან მოვლენ შვილთაშვილები და მათი შვილები, მე ჯერ ისევ მინდა მათ ვეთამაშო“.

8 აპრილის მონაცემებით, იტალიაში კორონავირუსით ინფიცირების 135 586 შემთხვევაა დადასტურებული, გარდაიცვალა 17 127 ადამიანი, გამოჯანმრთელდა – 24 392.

______________

ფოტოზე: ადა ზანუსი. ფოტო NBC News-ის ვიდეომასალიდან.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com