Batumelebi | Global Hack – იდეების კონკურსი კორონავირუსის კრიზის დასაძლევად Global Hack – იდეების კონკურსი კორონავირუსის კრიზის დასაძლევად – Batumelebi

Global Hack – იდეების კონკურსი კორონავირუსის კრიზის დასაძლევად

9 აპრილიდან 12 აპრილის ჩათვლით გაიმართება ონლაინჰაკათონი, რომელსაც მხარს უჭერს ევროკავშირი და „ინიციატივა EU4Digital“-ი. კონკურსში მონაწილეობა საქართველოსაც შეუძლია.

Global Hack-ი ეწყობა იდეების უსწრაფესი განვითარებისა და გაზიარების მიზნით, რომელიც მნიშვნელოვანია კორონავირუსით გამოწვეული პანდემიის პერიოდში.

ონლაინჰაკათონში მონაწილეობის მისაღებად მიწვეულები არიან შესაბამისი დარგის ექსპერტები, მეცნიერები, ტექნიკური სფეროს ენთუზიასტები, ბიზნესლიდერები და ნოვატორები აღმოსავლეთ პარტნიორი ქვეყნებიდან და მთელი მსოფლიოდან.

ევროკომისია დაახლოებით 75 000 ევროს გამოყოფს საპრიზო ფონდის სახით, Global Hack-ის  გამარჯვებული გუნდებისთვის. მთლიანი საპრიზო ფონდი საუკეთესო იდეებისთვის კი 100 000 ევროა.

ნებისმიერ ადამიანს შეუძლია 6-12 კაცისგან შემდგარი გუნდი შეკრიბოს ონლაინჰაკათონში მონაწილეობის მისაღებად. გუნდის ლიდერმა რეგისტრაციაში უნდა გაატაროს იდეა და სახელი პლატფორმზე – Guaana. ჰაკათონის განმავლობაში მონაწილეები აუდიტორიას გააცნობენ საკუთარ საუკეთესო და ყველაზე ბრწყინვალე იდეებს მიმდინარე სოციალურ-ეკონომიკური კრიზისის დასაძლევად და რეაბილიტაციის მხარდასაჭერად კრიზისის დამთავრების შემდეგ.

reddit გვერდის საშუალებით ყველას შეუძლია იდეების გამოქვეყნება სხვა მომხმარებლებისგან გამოხმაურების მისაღებად, პარტნიორებისა და წესების მოსაძიებლად გამოწვევების წარდგენის მიზნით.

„გარდა ამისა, ევროკავშირი მხარს დაუჭერს სამთავრობო გამოწვევებს, რომლებმაც უნდა მოახდინონ გარღვევა სტარტაპების, მცირე ბიზნესის და ელექტრონული ჯანმრთელობის სექტორებში. ის ასევე უზრუნველყოფს ინსტრუქტაჟს პრაქტიკულად რეალიზებადი გადაწყვეტილებების განსახორციელებლად იმ სექტორებში, სადაც არის მათი საჭიროება.

Global Hack- ი მიზნად ისახავს პარტნიორული ურთიერთობების დამყარებას მთელი მსოფლიოს ხალხებს შორის იდეების, ნოუ-ჰაუს და საუკეთესო პრაქტიკის გასაზიარებლად იმისათვის, რომ მათ შეძლონ კრეატიული და მოქნილი გადაწყვეტილებების შემოთავაზება. მსოფლიო დონის მენტორების და მაღალკვალიფიციური გუნდების გაერთიანებით შესაძლებელია გადაწყვეტილებების შემუშავება უკეთესი ხვალინდელი დღისთვის.

ჰაკათონზე წარმოდგენილი იქნება პერსპექტიული გადაწყვეტილებები იმის სადემონსტრაციოდ, თუ როგორ შეიძლება ციფრული ინოვაციების მოზიდვა ადგილობრივი სამეზობლოების დასაკავშირებლად და ყველაზე უფრო დაუცველი ადამიანების დასახმარებლად“, – ნათქვამია ინიციატივა EU4Digital-ის მიერ გავრცელებულ განცხადებაში.

ონლაინჰაკათონის ორგანიზატორები არიან: Accelerate Estonia, Garage48 და Guaana, პლატფორა Devpost-ის მხარდაჭერით.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com