Batumelebi | თურნავა: შევამოწმეთ 76 კომპანია – მუშაობის უფლება 26-ს მივეცით თურნავა: შევამოწმეთ 76 კომპანია – მუშაობის უფლება 26-ს მივეცით – Batumelebi

თურნავა: შევამოწმეთ 76 კომპანია – მუშაობის უფლება 26-ს მივეცით

საქართველოს ეკონომიკისა და მდგრადი განვითარების მინისტრის ნათია თურნავას განცხადებით,  6-7 აპრილს სამინისტროს ტექნიკური ზედამხედველობის განყოფილებამ 76 კომპანია შეამოწმა. აქედან 40 კომპანიას საქმიანობა საგანგებო მდგომარეობით დაწესებული შეზღუდვების შესაბამისად  შეჩერებული აქვს.

სამინისტროს სპეციალისტები მუნიციპალური ზედამხედველობის ორგანიზაციებთნ ერთად ამოწმებენ,  აქვთ თუ არა ამ კომპანიებს დაცული ჯანდაცვის სამინიტროს მიერ  კორონავირუსის პრევენციასთან დაკავშირებით შემუშავებული რეკომენდაციები. პროცესში ჩართულია შრომის ინსპექციაც.

სპეციალური აპლიკაცია, რომლის დახმარებითაც კომპანიებმა საგანგებო ვითარების პერიოდში მუშაობის გაგრძელების უფლება უნდა მოიპოვონ,  რამდენიმე ასეულმა კომპანიამ უკვე შეავსო. მინისტრის თქმით, განსაკუთრებით სამშენებლო, ასევე საშენ მასალათა მწარმოებელი კომპანიები აქტიურობენ.

აპლიკაცია, რომელიც გარკვეულ ინფორმაციას შეიცავს, ერთგვარია განაცხადია კომპანიის მხრიდან, რომ მას დაცული აქვს მოთხოვნილი სტანდარტი და ითხოვს შემოწმებას სამუშაოს განახლების ნებართვის მისაღებად

მინისტრის ინფორმაციით, იმ 76 კომპანიიდან, რომლებიც უკვე შეამოწმეს, 40 -ს საქმიანობა შეჩერებული აქვს [ დარჩენილი 36 კომპანია კი მთავრობის ნებართვით ისედაც მუშაობდა]  აქედან 26 კომპანიის განაცხადი  დააკმაყოფილეს, ხოლო 14 კომპანიას  ხარვეზი დაუდგინდა და მათ მიეცათ დრო ამ ხარვეზების გამოსასწორებლად. რაც შეეხება დანარჩენ კომპანებს, ისინი მუშაობას აგრძელებენ.

მინისტრის განმარტებით, პირველ რიგში ამოწმებენ კომპანიებს, რომლებიც ემსახურებიან კრიტიკულად მნიშვნელოვან საწარმოებს მიწოდების თვალსაზრისით. ასეთ საწარმოებად მინიტრმა დაასახელა კომპანიები, რომლებიც ემსახურებიან კვების, ასევე სამედიცინო ინდუსტრიას. ერთ-ერთი კრიტერიუმია ისიც, თუ რამდენად მოახერხა კომპანიამ გადაწყობა, თანამშრომლების გადაიყვანა ონლაინ ან დისტანცირებულ რეჟიმზე.

სპეციალური აპლიკაციები სამინიტროს ვებგვერდზე პარასკევს, 3 აპრილს, აიტვირთა.

საგანგებო მდგომარეობის პერიოდში მუშაობის გაგრძელების ნებართვის მოსაპოვებლად კომპანიებმა, რომლებსაც ამ დროისთვის საქართველოს მთავრობის დადგენილებით შეზღუდული აქვთ საქმიანობის განხორციელების უფლება,  საქართველოს ეკონომიკისა და მდგრადი განვითარების სამინისტროს ოფიციალური ვებგვერდიდან –  www.economy.ge  უნდა  ჩამოტვირთონ სარეგისტრაციო ფორმა, შეავსონ და გაგზავნონ ელექტრონული ფოსტის მისამართზე – construction@moesd.gov.ge.

ამავე თემაზე: 

როგორ შეიძლება მოიპოვოს კომპანიამ მუშაობის გაგრძელების უფლება – მინისტრის განმარტება

ნეტგაზეთის მასალების სხვა გამოცემებში გადაბეჭდვის წესი
ავტორი