მთავარი,სიახლეები

ბათუმის მერია მოქალაქეებისთვის ვირტუალურ ქოლცენტრს აამოქმედებს

07.04.2020 • 1078
ბათუმის მერია მოქალაქეებისთვის ვირტუალურ ქოლცენტრს აამოქმედებს
ბათუმის მერიის გადაწყვეტილებით „კორონავირუსის გავრცელების საშიშროებასთან დაკავშირებით, საგანგებო მდგომარების პირობებში მოქალაქეებისათვის საჭირო ინფორმაციის, სერვისებისა და მომსახურების მიწოდების გაუმჯობესებისათვის“, მიზანშეწონილად იქნა მიჩნეული მერიის სისტემაში ვირტუალური ქოლცენტრის ამოქმედება.

„საგანგებო რეჟიმის პირობებში მუნიციპალიტეტის მერიის თანამშრომლებს დისტანციურად უწევთ კომუნიკაცია მოქალაქეებთან, რამდენადაც მუნიციპალიტეტში მოქმედებს ცხელი ხაზის მხოლოდ 1 ნომერი, გადატვირთული ზარების ფონზე მომსახურების გაწევა ხორციელდება შეფერხებით, მომსახურების შეფერხებით მიწოდების გამო კი, მნიშვნელოვნად ილახება ბათუმის მუნიციპალიტეტის მერიის იმიჯი,“ – აცხადებს მერია.

ქოლცენტრის გასამართად შესაბამისი მომსახურების შესყიდვას მერია ტენდერის გარეშე გეგმავს, რისთვისაც 9 906 ლარი დაიხარჯება.

მერიის ინფორმაციით, „საუბრის ლიმიტის მოცულობა დაანგარიშებული იქნა ბათუმის მერიის ცხელ ხაზზე განხორციელებული ზარების საშუალო სტატისტიკის შესაბამისად“.

მერია ხელშეკრულების გაფორმებას კომპანია GEONET-თან გეგმავს, რაზედაც შესყიდვების სააგენტოსგან თანხმობას ითხოვს.

ქოლცენტრი 2020 წლის 31 დეკემბრის ჩათვლით იმუშავებს.

 

გადაბეჭდვის წესი


ასევე: