Batumelebi | ბათუმში სამი პაციენტი გამოჯანმრთელდა კორონავირუსისგან ბათუმში სამი პაციენტი გამოჯანმრთელდა კორონავირუსისგან – Batumelebi

ბათუმში სამი პაციენტი გამოჯანმრთელდა კორონავირუსისგან

აჭარაში კორონავირუსისგან კიდევ სამი პაციენტი გამოჯანმრთელდა – ამის შესახებ დღეს, 6 აპრილს, აჭარის ჯანდაცვის მინისტრმა, ზაალ მიქელაძემ განაცხადა.

„სამმა პაციენტმა დადასტურებული COVID-19-ით, რომლებიც კლინიკა მედალფაში გადიოდნენ მკურნალობას, გუშინ გაიარა პირველი ტესტირება და სამივე შემთხვევაში პასუხი იყო უარყოფითი.

დღეს, რამდენიმე წუთის წინ, დასრულდა მეორე კვლევა და სამივეს პასუხი არის უარყოფითი, ანუ ეს პაციენტები ითვლებიან პრაქტიკულად ჯანმრთელებად, ისინი დღეს დატოვებენ სამედიცინო დაწესებულებას და სტანდარტული მიდგომის თანახმად, თვითიზოლაციის რეჟიმში გადავლენ საკუთარ საცხოვრებლებში,“ – განაცხადა ზაალ მიქელაძემ.

დღეს ბათუმში 16 პირი შეამოწმეს COVID-19-ზე, მინისტრის განცხადებით, ყველა პასუხი უარყოფითია.

კლინიკა „მედალფაში“ მკურნალობას კორონავირუსის დადასტურებული დიაგნოზით ახლა უკვე 9 პაციენტი აგრძელებს. მათგან ერთი რამდენიმე დღეა მართვით სუნთქვაზე იმყოფება.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com