Batumelebi | ბათუმში, ვარდების სკვერში, ზურაბ გორგილაძის ბიუსტს დადგამენ ბათუმში, ვარდების სკვერში, ზურაბ გორგილაძის ბიუსტს დადგამენ – Batumelebi

ბათუმში, ვარდების სკვერში, ზურაბ გორგილაძის ბიუსტს დადგამენ

ბათუმში, ვარდების სკვერში პოეტ ზურაბ გორგილაძის ბიუსტს დადგამენ. მარმარილოს პოსტამენტი სკვერში უკვე განთავსებულია, ბრინჯაოს ბიუსტი კი მოგვიანებით დაიდგმება. ბიუსტის დამზადება და სკვერში განთავსება 40 ათასი ლარი დაჯდება.

„იდეის ავტორები ვართ მე და მწერალი დავით თედორაძე, მოქანდაკე კი დავით ბოლქვაძეა. ხელშეკრულების მიხედვით, ბიუსტის დადგმის ვადა ორ დღეში იწურება, მაგრამ კორონავირუსის პანდემიის გამო პროცესი გავაჩერე. ბიუსტი ჩემი პირადი ხარჯებით კეთდება,“ – გვითხრა შპს „ბათმშენი2007“-ის ხელმძღვანელმა, გოჩა ირემაძემ.

ვარდების სკვერში გორგილაძის ბიუსტის განთავსების შესახებ გადაწყვეტილებას ბათუმის საკრებულომ წლის დასაწყისში დაუჭირა მხარი. საკრებულოს დოკუმენტის მიხედვით, ბიუსტის ესკიზი შეთანხმებულია ქალაქგანვითარებისა და ურბანული პოლიტიკის სამსახურთან.

ზურაბ გორგილაძის ბიუსტის მაკეტი

____________

მთავარი ფოტო: პოსტამენტი, სადაც ზურაბ გორგილაძის ბიუსტი უნდა განთავსდეს.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com