ზურაბ გორგილაძის სახლმუზეუმისთვის ქობულეთის ბიუჯეტიდან 296 ათასი ლარია გამოყოფილი


ქობულეთის მუნიციპალიტეტის სოფელ გორგაძეებში ზურაბ გორგილაძის სახლმუზეუმის სარეაბილიტაციოდ ადგილობრივი ბიუჯეტიდან 296 260 ლარია გამოყოფილი. შესაბამის სამუშაოებს ქობულეთის მერია ტენდერით შეისყიდის. სახლმუზეუმის რეაბილიტაცია კი, ტენდერში გამარჯვებულთან ხელშეკრულების დადებიდან 120 დღეში უნდა დასრულდეს.

რეაბილიტაცია მოიცავს შენობის შიგა სარემონტო სამუშაოებს, ელექტროქსელის, ხანძარსაწინააღმდეგო სიგნალიზაციის მოწყობას. ასევე გარემონტდება შენობის სახურავი, ფასადი, მოეწყბა ეზო, წყალსადენისა და კანალიზაციის ქსელები. სახლმუზეუმისთვის იგეგმება ავეჯისა და ტექნიკის შეძენაც.

ზურაბ გორგილაძის სახლმუზეუმი / ფოტოები სატენდერო დოკუმენტებიდან

პროექტი [ხარჯთაღრიცხვა], რომლის მიხედვითაც სახლმუზეუმის რეაბილიტაცია უნდა ჩატარდეს, ქობულეთის მერიამ შეისყიდა შპს „ფროჯექთ გრუფისგან“, რომელთანაც შესაბამისი ხელშეკრულება 2017 წლის ნოემბერში გაფორმდა 5 777 ლარზე.

ამავე თემაზე:

სოფელ გორგაძეებში ზურაბ გორგილაძის სახლ-მუზეუმი მოეწყობა

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com