Batumelebi | საქართველოში პიკის დასაწყისს ველოდებით აპრილის მეორე ნახევარში – ჯანდაცვის მინისტრი საქართველოში პიკის დასაწყისს ველოდებით აპრილის მეორე ნახევარში – ჯანდაცვის მინისტრი – Batumelebi

საქართველოში პიკის დასაწყისს ველოდებით აპრილის მეორე ნახევარში – ჯანდაცვის მინისტრი

საქართველოს ჯანდაცვის მინისტრი, ეკატერინე ტიკარაძე აცხადებს, რომ კორონავირუსის პანდემიის პიკის დასაწყისი საქართველოში შესაძლოა დადგეს აპრილის მეორე ნახევარში. მან ამის შესახებ საზოგადოებრივი მაუწყებლის ეთერში განაცხადა.

„ეს [მიმდინარე] პერიოდი, ჯერჯერობით, ეპიდემიოლოგების მხრიდან არ არის იდენტიფიცირებული როგორც პიკი.

ჩვენ პიკის დასაწყისს ველოდებით აპრილის მეორე ნახევარში.

იმისათვის, რომ ეს პიკი იყოს უფრო ზომიერი, და  სწრაფად მზარდი, რისაც ჩვენ ყველაზე მეტად გვეშინია, არ იყოს ეს 400 პაციენტი დღეში, არამედ იყოს 50 პაციენტი დღეში, ამისათვის ძალიან მნიშვნელოვანია, ჩვენ გავითვალისწინოთ რეკომენდაციები, რაც გულისხმობს სოციალურ დისტანცირებას და ჰიგიენური ზომების დაცვას.

…მეცნიერები საუბრობენ იმაზე, რომ ქოვიდ ინფექციის გავრცელება არ იქნება ერთთვიანი ან ორთვიანი. ეს პროცესი იქნება გაცილებით უფრო ხანგრძლივიც,“ – განაცხადა ეკატერინე ტიკარაძემ.

5 აპრილის 11 საათის მონაცემებით, საქართველოში კორონავირუსით სულ 170 ადამიანია ინფიცირებული, გამოჯანმრთელდა 36 პირი, 1 ადამიანი კი გარდაიცვალა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com