Batumelebi | მიმდინარე სასწავლო წლის მეორე სემესტრი არ ჩავარდება – განათლების სამინისტრო მიმდინარე სასწავლო წლის მეორე სემესტრი არ ჩავარდება – განათლების სამინისტრო – Batumelebi
RU | GE  

მიმდინარე სასწავლო წლის მეორე სემესტრი არ ჩავარდება – განათლების სამინისტრო

საქართველოს განათლების მინისტრის მოადგილის ეკა დგებუაძის განცხადებით, 2019-2020 სასწავლო წლის მეორე სემესტრი არ ჩავარდება.

„სამინისტრო ყველაფერს აკეთებს დისტანციური სწავლების გასაძლიერებლად, ამაში იგულისხმება როგორც ონლაინსწავლება, ასევე პროექტი „ტელესკოლა“.

ეს ყველაფერი, ამ ეტაპზე, საშუალებას გვაძლევს ვთქვათ, რომ განათლების სამინისტრო მიყვება უწყებათაშორისი საკოორდინაციო საბჭოს რეკომენდაციებს. შესაბამისად, მსოფლიოში ახალი კორონავირუსის პანდემიით გამოწვეული ვითარების გათვალისწინებით, ჩვენ ვმუშაობთ მოვლენათა განვითარების ყველა შესაძლო სცენარზე,“ – აცხადებს ეკა დგებუაძე.

მთავრობის გადაწყვეტილებით, სკოლებში სასწავლო პროცესი კორონავირუსის გავრცელების პრევენციის გამო, ოფიციალურად 21 აპრილამდეა შეჩერებული.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com