stopcov.ge-ს მონაცემებით, საქართველოში კორონავირუსის დადასტურებული შემთხვევების რაოდენობა ორით გაიზარდა და ახლა 117-ს შეადგენს.
დღეს, 1 აპრილს, დღის პირველ ნახევარში ინფიცირებულთა რაოდენობა 5-ით გაიზადა და 115 იყო, საღამოს კი ვებგვერდზე, რომელიც პერიოდულად ახლდება, აღნიშნულია, რომ შემთხვევათა რაოდენობა 117-ია. მათ შორის გამოჯანმრთელდა 23 ადამიანი.
ბოლო მონაცემებით, კარანტინის რეჟიმში იმყოფება 5783 პირი, სტაციონარში მეთვალყურეობის ქვეშ კი – 301.
